Ditzionàriu in línia
de sa limba e de sa cultura sarda

arràma , nf, nm: arramu, rama* Definition una parte de is matas, tra is cambos prus grussos e is puntas prus fines Synonyms e antonyms arrampu, ratu 1 Sentences at allutu unu fogu de sidas e arramas Scientific Terminology rbr Translations French branche English branch Spanish rama Italian ramo German Zweig.

àsta , nf: àstia, àstua 1 Definition cannedhu, genia de pértiga longa, s'àrbure o pinnone de sa cucagna, fintzes una genia de arma a punta; a logos est sa palita de còere pane / astas de boe, de cherbu = sos corros; a. de cumpassu, de arrelógiu, de ullieras, de arromana Synonyms e antonyms pértia / corru Etymon ltn. hasta Translations French hampe, branche, canne, tige, perche English staff Spanish asta Italian asta German Stab.

brànca , nf Definition sa manu de un'animale chi portat ungas puntudas e, nau a disprétziu, is manos de unu chi furat; bratzu de calecunu móbbile; cambu de coradhu; nae grussa de una mata ue s'ispartzit in duos e faet a frochidha / rúghere a brancas imbesse = a palas a terra Synonyms e antonyms bràncula, farranca / camba 2 Sentences su cane isterzari pro furare zughet brancas abbistas ◊ mih a chi no mi sont costatas, cussas raicas, a nche las vature dae cussos trocos… sas brancas sicas a chie nche las est furanne! ◊ su càvuru portat tantis brancas 2. su candheleri de sos Ebreos est a sete brancas Surnames and Proverbs smb: Branca, Branchita, Branchitta Scientific Terminology crn Etymon ltn. branca Translations French patte, pied, branche English paw Spanish pata Italian zampa German Pfote, Tatze.

burdímini , nm Definition mamadina, cambos noos chi no bogant frutu ma creschent meda, in is matas Synonyms e antonyms pillonarxu Etymon srd. Translations French branche gourmande, gourmand, suçoir English young shoot Spanish rama joven Italian succhióne German Geiztrieb, Geiz.

càlamu , nm Definition cambu mannu o nae totu ispina po serrare in logu de cresura Synonyms e antonyms arrasolu, bangazu, barasone, barrasolu, ghirrisone, istupu, raspisone, tupisone Sentences ant altzadu sa chesura e postu càlamos mannos ispinosos in sos àidos ◊ iscamedhos e àidos tancados a càlamos de prunitza Etymon ltn. calamus Translations French branche épineuse English pricly branch Spanish rama espinosa Italian ramo spinóso, stèrpo German dorniger Zweig.

càmba 2 , nf Definition donniunu de is cambos o bratzos prus mannos, grussos e longos, de una mata manna; su cambighedhu de s'erba; una parte no precisa de su tàgiu Synonyms e antonyms artzali, branca, bratu, nae, perra, trassali / cambu Idioms csn: c. de fae, de fiore = cambu; una c. de bértula = unu fodhe; c. de fogu = una parte de su fogu fuidu chi ch'essit a un'àtera bandha; c. de riu = parte de unu riu o unu riu chi si distinghet de, o abbojat a, un'àteru, itl. affluènte; c. de mare = tretu astrintu de mare chi che intrat in sa terra; c. de mare (in suspu) = meda; c. de abba = brussu, vena manna, bundhante de abba chi essit in sas funtanas o colat in unu logu; linna de c. = a nae Sentences zughet onzi camba, cuss'àrbure, chi betat un'àinu de linna! ◊ comente ant pudadu ndhe l'ant segadu sas cambas dae rughes ◊ ite bellu puzone chi s'est faghindhe nidu cun tres cambas de fenu… 2. azis a pentzare ca ne porto una camba de bértula! 3. in cussa funtana bi essit una camba manna de abba ◊ sunt sos trainos che cambas de mare ponindhe in disisperu sas persones Scientific Terminology rbr Translations French grande branche English big branch Spanish rama Italian gròsso ramo d'àlbero German großer Zweig.

càrba , nf: carva, càrvia Definition bratzu, cambu mannu de mata; nae, fintzes nae longa longa e fine po ndhe iscutulare su frutu segundhu sa mata Synonyms e antonyms bratu, camba 2, ratu, trassali / magiadorza Sentences falant ínteri carvas, molinandhe, sas atonzinas fozas ingroghias (G.Brocca)◊ ufuladas de bentu frúschiant ínteri carvas irfozias molinandhe sa frita papuschina ◊ si fit intesa una tràchida ispramosa in mesu de sas carvas de su padente 2. pro ndhe ghetare sa méndhula at picau una carba Scientific Terminology rbr Etymon srdn. Translations French grande branche English big branch Spanish rama grande Italian gròsso ramo German großer Zweig.

chimizòne , nm Definition puntas modhes de is campos, de erbas e matas Synonyms e antonyms chima Sentences ite bella chi ses candho a murmutu t'intendho supra de sos chimizones modhitzos! 2. pampas de focu che chimizones de sole si pesant totinduna ◊ pampas de focu in chimizones de sole naschint (Z.Delogu) Scientific Terminology rbr Etymon srd. Translations French branche English foliage Spanish rama Italian frónda German Zweig.

crisiòni , nm Definition tupa o fintzes naes totu ispina Synonyms e antonyms berrisone, càlamu, crispione Sentences is pius chi portas parint una mata de crisioni! ◊ su pastori at serrau sa corti a crisionis Surnames and Proverbs smb: Crisioni Translations French branche épineuse, ronce English dry branch Spanish rama espinosa Italian ramo spinóso, stèrpo German dorniger Zweig.

nàe , nf: nai 1 Definition parte de una mata, cambu mannu, grussu, ma parte cussu puru is cambos prus mannos / min. naigedha, naighedha, naissola Synonyms e antonyms arrampu, bratu, cambu Idioms csn: èssere nae dorta = (nadu de unu) èssere ramu tortu, trevessu, chi no afilat a deretu, chi fait de conca de cussu e no ascurtat s'arrexoni Sentences s'àrbure est barriada gai a meda chi zughet sas naes dórchidas ◊ sa linna a nae si campionat a fasche ◊ si est sicada sa nae fozida Surnames and Proverbs smb: (De)ssanai, (De)ssanay Scientific Terminology rbr Translations French branche English branch Spanish rama Italian ramo German Ast.

sutzòne , nm Definition pigionatzu, cambu nou chi che suspit tropu abba, in is matas; bobboi de su trigu Synonyms e antonyms burdímini / alguzone, gruguglioni, ilguzone, orguloni, suzone Etymon srd. Translations French branche gourmande, suçoir English young shoot Spanish chupón Italian succhióne German Geiztrieb.

tentàlza , nf: tentarza Definition pértiga longa de orruo, cambu de orruo totu ispina Synonyms e antonyms àlamu, lama 1 Scientific Terminology rbr Etymon srd. Translations French branche de la ronce English brier branch Spanish rama de zarza Italian ramo del róvo German Zweig des Brombeerstrauches.

trassàli , nm Definition cambu mannu, longu e grussu, de mata Synonyms e antonyms artzali, bratu, bratzali, carba, potzari Scientific Terminology rbr Translations French grande branche English big branch Spanish brazo, rama gruesa Italian gròsso ramo German grosser Ast.