Ditzionàriu in línia
de sa limba e de sa cultura sarda

aposéntu , nm, nf: apusentu Definition domo, oe prus che àteru una de is partes de sa domo, addata donniuna segundhu ite si dhue depet fàere (es. crocare, coghinare, arrecire o àteru)/ genias de a.: de letu, de coxina (o de càrama), de arriciri (sala), de sa linna, de su craboni, de manixu (ue faet a si partare a fàere faina) Synonyms e antonyms càmara, istànsia Sentences no teniant un'àteru apusentu a s'istichire ◊ a is bècius nce dhus iscàrrigant in calincunu aposentu de ispidali, is fillus! ◊ andhamus a s'apusentu nostra pro nos ciambare Scientific Terminology dmo Etymon spn. aposento Translations French chambre, logement English lodging, room Spanish cuarto, aposento Italian càmera, stanza, vano, allòggio German Zimmer, Raum, Wohnung.

bacínu , nm, nf: bascinu, bassinu, batzina, batzinu Definition su sannori, nau in cobertantza: genia de istrégiu po dhue fàere de bisóngiu; si narat fintzes de bodheta, foedhos o cosas de maleducaos Synonyms e antonyms orinale, orineri, seglieta, vitillu / bassinada Sentences prus la móricas, sa batzina, e prus putit! ◊ batzinones chi leant una carra dogni note ndhe prenant chimbe e ses! ◊ in momentos de apretu teniant su bacinu suta de su letu ◊ su bascinu si allogàt in su comodinu 2. buca de luru citirí, chi no bengu a innòi po intèndiri bassinus! Surnames and Proverbs smb: Bassinu Scientific Terminology stz Etymon spn. bacín Translations French pot de chambre, jules English pot (chamber) Spanish orinal Italian pitale German Nachttopf, Nachtgeschirr.

càmara , nf: càmbara, càmbera, càmera, càrama Definition parte de sa domo lassada mescamente po crocare, ma fintzes a pònnere e chistire provistas, o bona po arretzire un'istràngiu; sa mobbília po un'aposentu; assemblea de deputaos / min. cambaredha 1 Synonyms e antonyms aposentu, istànsia / saba 1 / caramoto Idioms csn: domos càmaras, aposentu ’e càrama = apusentus de letu; càmbara de filetu = aundi si unit su pisci de piscai; c. mortuària = aposentu de gimitóriu o de ispidali aundi lassant is mortus fintzas a ndi dhus pigai po s'interru Sentences bi at domos cun càrama a manca e càrama a destra de sa sala 2. benniant a libbras, a zuzinas, a chilos, a chentos e a misuras, pro su dinari e pro mutzigaduras de càramas, de órrios, de mesinas 3. de tzertu a su pedulianu no si lu ponet a corcare in cussos papizones de letos bagianeris chi bi at in sas domos càmaras! (M.Gattu Soddu) Surnames and Proverbs smb: Camera Scientific Terminology dmo Etymon itl. càmbara, camera Translations French chambre English room Spanish cuarto (m), habitación Italian càmera German Zimmer.

camaròne , nm: camerone Definition fràigu, logu mannu meda, serrau, inue podet càbere gente meda o fintzes po butega, a trebballare, a chistire o arrimare cosa Synonyms e antonyms magasinu, salone Scientific Terminology dmo Translations French grande chambre, grande pièce English large room Spanish quarto grande Italian cameróne German großes Zimmer.

cobertòne , nm: copertone Definition pígiu grussu de gomma de is orrodas de màchina Translations French enveloppe d'une chambre à air English tyre Spanish cubierta Italian copertóne German Reifen.

salidórju, salidórzu , nm Definition logu fatu apostadamente po salire cosa (es. casu in is casifícios) Etymon srd. Translations French chambre de salage English salt room Spanish saladero Italian salatóio German Einsalzraum.

seglièta , nf: sibieta, siglieta, silieta, sillieta Definition genia de istrégiu de terra a duas asas po fàere de bisóngiu Synonyms e antonyms bacinu, orinale, orineri Sentences promissas a muntonis, a su mentris chi sa monumentali sillieta si pongat a ispartzinai su fragu ◊ fiat apatau in sa sillieta ◊ nosu a custu dhi naraus su sannori, su cavalleri, su bassinu, sa sibieta… Eh, casi ca no est privilegiau, po nòminis!…(R.Fresia) Scientific Terminology stz Etymon spn. silleta Translations French pot de chambre English chamber pot Spanish bacín, orinal Italian vaso da nòtte German Nachttopf.

serbidòra , nf Definition fémina angena posta a fàere is fainas de domo, a pagamentu Synonyms e antonyms mutza, teraca | ctr. mere Translations French femme de chambre English maidservant Spanish criada Italian domèstica, sèrva German Hausgehilfin, Dienstmädchen.