Abbreviations Legenda | Symbols Legend

cíngulu , nm: tzíngulu Definition genia de tira larga a cadena, a bisura de fasca, tra orroda de ananti e de asegus de unas cantu màchinas (tratore, carrarmau) po arrèschere de prus in terra Translations French chenille English track Spanish oruga Italian cìngolo German Raupenband.

cucúrra , nf: cugurra Definition duas genias de bobbois: a) bobboi longhitu chi naschit de sa cria de su calagasu e si papat sa fògia modhe de unas cantu erbas (es. càule, arruca), est de tantas mannàrias, si ndhe agatat fintzes cantu a unu podhighitu piticu, de tantos colores, lanosos; b) bobboi prus pitichedhu, cugurra frucidhada (forficula auricularia), in colore de castàngia cun sa coa coment'e isperrada o a tonàgia: si agatat meda in is frutuàrios, in sa linna bècia; nodu chi si faet a is lobos po no si istrínghere; genia de lobu chi faet unu filu atrotigau meda (filau) si no si mantenet istirau bene (e in cobertantza si narat po pecu, mendhea, difetu) Synonyms e antonyms arruga, berruca, gremédhiche 1, mamarúcola, mamaruga, ruda 1, rugaruga / isperravórtighe / tzurunga Sentences is ogus puntus de cugurra portas?! 3. in pagu tempus, dogna cugurra ndi essit a foras e dugnunu bit in s'àteru isceti brutesa Surnames and Proverbs smb: Cugurra Scientific Terminology crp Etymon srdn. Translations French chenille English grub Spanish tijereta Italian bruco German Raupe.

mamarúga , nf: mammaruga Definition s'erruca, genia de bobboi longhitu chi naschit de sa cria chi ponet su calagasu: a bortas pilosu, ponet mescamente a unas cantu erbas e che dhis papat sa fògia modhe (fintzes a is suèrgios faendho sa fògia noa) Synonyms e antonyms arruga, berruca, cucurra, gremédhiche 1, mamarúcola, ruda 1, rugaruga Sentences at dadu a sa mamaruga s'incunza issoro! Scientific Terminology crp Translations French chenille English worm Spanish larva Italian bruco German Raupe.

ramèdha , nf Definition genia de erruca chi faet in is casidhos (galleria mellonella); greme longu, pilosu e grussu, chi faet in terra; in cobertantza, sa natura de su piciochedhu Scientific Terminology crp Etymon srd. Translations French chenille English palmer, worm Spanish tiña (oruga) Italian bruco della farfalla dell'àrnia German Raupe, Wurm.

rúca 2 , nf: arruga, erruca, ruga Definition genia de bobboi (upm), longhitu, chi naschit de sa cria chi ponet su calagasu: a bortas pilosu, papat mescamente unas cantu erbas (càule, arruca), si papat sa fògia Synonyms e antonyms berruca, cucurra, erruca, farruga, gremédhiche 1, mamarúcola, mamaruga, orruca, ruda 1, rugaruga Idioms csn: pische de sa ruca = istúgiu de calagasu (itl. crisàlide); famidu che ruga = famidu meda Sentences si sa ruga si ponet a rugare distruet totu! ◊ innantis sa mariposa fit ruca e andhabat trasinendhe chirchendhe erbuzu a manicare ◊ su seisei biancu ponet sa cria in su càule e faghet sa ruga ◊ sa ruga apustis diventat pupa ◊ sa foza noa de sos suerzos si l'at manigada sa ruga Scientific Terminology crp Etymon ltn. eruca Translations French chenille English caterpillar Spanish oruga Italian bruco German Raupe.

tzíngulu , nm: cíngulu Definition cordone chi su preide acàpiat in chintzu in pitzu de s'alba o càjamu; genia de tapeto (o fasca chi acàpiat s'orroda de ananti e de apalas) a inghíriu de is orrodas de unas cantu màchinas, totu a dentes, de ferru Synonyms e antonyms chinghedhu Translations French chenille English caterpillar, cincture Spanish cíngulo, oruga, llanta articulada Italian cìngolo German Raupenkette.

«« Search again