Legenda Incurtzaduras | Legenda Sìmbulos

cíngulu , nm: tzíngulu Definitzione genia de tira larga a cadena, a bisura de fasca, tra orroda de ananti e de asegus de unas cantu màchinas (tratore, carrarmau) po arrèschere de prus in terra Tradutziones Frantzesu chenille Ingresu track Ispagnolu oruga Italianu cìngolo Tedescu Raupenband.

cucúrra , nf: cugurra Definitzione duas genias de bobbois: a) bobboi longhitu chi naschit de sa cria de su calagasu e si papat sa fògia modhe de unas cantu erbas (es. càule, arruca), est de tantas mannàrias, si ndhe agatat fintzes cantu a unu podhighitu piticu, de tantos colores, lanosos; b) bobboi prus pitichedhu, cugurra frucidhada (forficula auricularia), in colore de castàngia cun sa coa coment'e isperrada o a tonàgia: si agatat meda in is frutuàrios, in sa linna bècia; nodu chi si faet a is lobos po no si istrínghere; genia de lobu chi faet unu filu atrotigau meda (filau) si no si mantenet istirau bene (e in cobertantza si narat po pecu, mendhea, difetu) Sinònimos e contràrios arruga, berruca, gremédhiche 1, mamarúcola, mamaruga, ruda 1, rugaruga / isperravórtighe / tzurunga Frases is ogus puntus de cugurra portas?! 3. in pagu tempus, dogna cugurra ndi essit a foras e dugnunu bit in s'àteru isceti brutesa Sambenados e Provèrbios smb: Cugurra Terminologia iscientìfica crp Ètimu srdn. Tradutziones Frantzesu chenille Ingresu grub Ispagnolu tijereta Italianu bruco Tedescu Raupe.

mamarúga , nf: mammaruga Definitzione s'erruca, genia de bobboi longhitu chi naschit de sa cria chi ponet su calagasu: a bortas pilosu, ponet mescamente a unas cantu erbas e che dhis papat sa fògia modhe (fintzes a is suèrgios faendho sa fògia noa) Sinònimos e contràrios arruga, berruca, cucurra, gremédhiche 1, mamarúcola, ruda 1, rugaruga Frases at dadu a sa mamaruga s'incunza issoro! Terminologia iscientìfica crp Tradutziones Frantzesu chenille Ingresu worm Ispagnolu larva Italianu bruco Tedescu Raupe.

ramèdha , nf Definitzione genia de erruca chi faet in is casidhos (galleria mellonella); greme longu, pilosu e grussu, chi faet in terra; in cobertantza, sa natura de su piciochedhu Terminologia iscientìfica crp Ètimu srd. Tradutziones Frantzesu chenille Ingresu palmer, worm Ispagnolu tiña (oruga) Italianu bruco della farfalla dell'àrnia Tedescu Raupe, Wurm.

rúca 2 , nf: arruga, erruca, ruga Definitzione genia de bobboi (upm), longhitu, chi naschit de sa cria chi ponet su calagasu: a bortas pilosu, papat mescamente unas cantu erbas (càule, arruca), si papat sa fògia Sinònimos e contràrios berruca, cucurra, erruca, farruga, gremédhiche 1, mamarúcola, mamaruga, orruca, ruda 1, rugaruga Maneras de nàrrere csn: pische de sa ruca = istúgiu de calagasu (itl. crisàlide); famidu che ruga = famidu meda Frases si sa ruga si ponet a rugare distruet totu! ◊ innantis sa mariposa fit ruca e andhabat trasinendhe chirchendhe erbuzu a manicare ◊ su seisei biancu ponet sa cria in su càule e faghet sa ruga ◊ sa ruga apustis diventat pupa ◊ sa foza noa de sos suerzos si l'at manigada sa ruga Terminologia iscientìfica crp Ètimu ltn. eruca Tradutziones Frantzesu chenille Ingresu caterpillar Ispagnolu oruga Italianu bruco Tedescu Raupe.

tzíngulu , nm: cíngulu Definitzione cordone chi su preide acàpiat in chintzu in pitzu de s'alba o càjamu; genia de tapeto (o fasca chi acàpiat s'orroda de ananti e de apalas) a inghíriu de is orrodas de unas cantu màchinas, totu a dentes, de ferru Sinònimos e contràrios chinghedhu Tradutziones Frantzesu chenille Ingresu caterpillar, cincture Ispagnolu cíngulo, oruga, llanta articulada Italianu cìngolo Tedescu Raupenkette.

«« Torra a chircare