Ditzionàriu in línia
de sa limba e de sa cultura sarda

cucúrra , nf: cugurra Definitzione duas genias de bobbois: a) bobboi longhitu chi naschit de sa cria de su calagasu e si papat sa fògia modhe de unas cantu erbas (es. càule, arruca), est de tantas mannàrias, si ndhe agatat fintzes cantu a unu podhighitu piticu, de tantos colores, lanosos; b) bobboi prus pitichedhu, cugurra frucidhada (forficula auricularia), in colore de castàngia cun sa coa coment'e isperrada o a tonàgia: si agatat meda in is frutuàrios, in sa linna bècia; nodu chi si faet a is lobos po no si istrínghere; genia de lobu chi faet unu filu atrotigau meda (filau) si no si mantenet istirau bene (e in cobertantza si narat po pecu, mendhea, difetu) Sinònimos e contràrios arruga, berruca, gremédhiche 1, mamarúcola, mamaruga, ruda 1, rugaruga / isperravórtighe / tzurunga Frases is ogus puntus de cugurra portas?! 3. in pagu tempus, dogna cugurra ndi essit a foras e dugnunu bit in s'àteru isceti brutesa Sambenados e Provèrbios smb: Cugurra Terminologia iscientìfica crp Ètimu srdn. Tradutziones Frantzesu chenille Ingresu grub Ispagnolu tijereta Italianu bruco Tedescu Raupe.

forchidhàdile , nf: forchidhàdule, frochidhàdile, furchidhàdila, furchidhàdile, furchidhàdula Definitzione cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment’e tonàgias / furchidhàdila búbula = iscurpione Sinònimos e contràrios apitzulabisudha, bobborriga, cocorredha, coavrucidhada, folfighita, isparraguatza, isperragoa, isperragulu, isperravórtighe, malavurcidha, melauridha, perravósciga, pisciafui, tzintzicorra / cdh. codifúlciula, fulchídhula Frases frochidhàdiles, espes e muscone sunt fuindhe de sa corzola ca b'at fogu Terminologia iscientìfica crp, forficula auricularia Ètimu ltn. furcilla + -atula Tradutziones Frantzesu forficule Ingresu earwig Ispagnolu cortacapote, tijereta Italianu forfécchia Tedescu Ohrwurm.

isparraguàtza , nf: isperragobatza Definitzione cugurra furcaxada, genia de bobboi pitichedhu e longhitu, in colore de castàngia, chi portat sa coa frochidhada coment'e tonàgias Sinònimos e contràrios bobborriga, cocorredha, folfighita, forchidhàdile, isperragoa, isperragulu, isperravórtighe, malavurcidha, melauridha, pisciafui, tzintzicorra Terminologia iscientìfica crp, forficula auricularia Ètimu srd. Tradutziones Frantzesu forficule Ingresu earwig Ispagnolu cortacapote, tijereta Italianu forfécchia Tedescu Ohrwurm.