Abbreviations Legenda | Symbols Legend

ballànsa, ballàntza , nf: abballansa, ballàscia, ballassa Definition manera de fàere pagu bregungiosa o chi faet a bíere chi unu tenet fide in s'àteru: si narat mescamente de is pipios chi si cumportant chentza timoria cun is mannos, de s'istràngiu cun sa gente chi dhu allogit, ma fintzes de chiesisiat candho si cumportat cun s'àteru coment'e cun gente de domo, cun gente connota chi tenet a parusu Synonyms e antonyms alabantza, calàbria, confidàntzia, fidàssia, modhore, ollantza, traténtzia Idioms csn: intrare in b. = leàresi ballassa; nàrrere o fàghere ccn. cosa in ballassa = pighendisí cunfiantza Sentences cussu pisedhu si est lendhe tropu ballassa: inoghe faghet che in domo sua ◊ mi leo ballassa e àlcio a s'aposentu sou ◊ si los chitzis, unu pisedhu o un'animale no si leant ballassa ◊ chin issas bi aia un’atzicu de ballassa, che a bonu vichinu Etymon itl. baldanza Translations French familiarité English confidence Spanish confianza Italian confidènza German Vertraulichkeit.

confidàntzia , nf: cufiàntzia, cufidànsia, cufidàntzia, cunfiància, cunfiantza, cunfiàntzia, cunfidànsia, cunfidàntzia Definition su àere unu fàere coment'e de gente bene connota, amiga, parente, fidada, coment'e giaendho fide a unu Synonyms e antonyms cunfidu / ballansa, familiaricítzia, fidàssia, modhore, ollantza | ctr. discunfiantza Sentences lah, chi m'imbovas tui puru truncaus sa cunfiantza! ◊ sa cunfidàntzia dha tengu cun Deus ◊ sas cosas in cunfidàntzia no si narant in carrela ◊ no sunt totu sos nepodes chi si gosant sa cufidàntzia de su zaju ◊ mi ais a perdonare: tèngio cunfiància de no mi abbandhonare Surnames and Proverbs prb: su saludu a totus, sa cunfiantza a pagus Etymon spn. Translations French familiarité English confidence Spanish confianza Italian confidènza German Vertrauen.

familiaricítzia , nf Definition su si abbitare meda cun ccn., su dhu tènnere a pràtiga, su dhu connòschere bene Synonyms e antonyms amistàntzia, confidàntzia, tratamenta Etymon itl. famiglia + amicizia Translations French familiarité English familiarity Spanish familiaridad Italian familiarità German Vertrautheit.

scasumadúra , nf Definition su si scasumai, su chi si narat scasumendisí cun ccn. Synonyms e antonyms scasumamentu Etymon srd. Translations French familiarité English confidence Spanish confidencia Italian confidènza German Vertraulichkeit.

«« Search again