Ditzionàriu in línia
de sa limba e de sa cultura sarda

cuàrtziga , nf: cuàtziga, culàrtziga Definition sa parte de asegus de su fosile, sa chi si imbarat a su codhu isparandho Synonyms e antonyms culàssiga Sentences dh'at ameletzau cun su fusili, no po dhu isparai ma po dhu fèrriri cun sa cuàrtziga Translations French crosse du fusil English butt Spanish culata Italian càlcio del fucile German Gewehrkolben.

fosíle , nm: frusili, fusile, fusili, fusíliu, fuxili Definition arma a canna longa po isparare, de leare cun ambas manos / partes de su f.: sa canna (sa parte longa coment’e tubbu ue che essit su tiru), sa càssia (ue portat sa càrriga), su cane (genia de martedhu chi iscudendho a cropu a sa càssula de sa cartúcia faet partire su tiru), su grillete (genia de leva chi si tirat po che isparare su cane), sa segura (genia de butone o àteru chi, segundhu comente si ponet, impedit de isparare de malascigura), su pè, parte de asegus de linna, sa cuàrtziga (sa parte chi si arrimat a su codhu isparandho), sa bindella (tira de pedhe po dhu pigare intrau in su codhu) Synonyms e antonyms busile, isciapete, iscopeta, trumboni, tzistupu Idioms csn: garrigare su f. = pònnere sa o sas cartutzas a lu muntènnere prontu de pòdere isparare; su f. at fatu topi = at negadu, no bi at isparadu; a f. a muru codhu = cun su f. a codhu, apicadu a su codhu cun sa bindella Sentences bidia custos amigos fatendhe sulavogos dae sas cannas de cussos fusiles (A.Palita)◊ su fusile meu no fadhit unu corpu ◊ at intesu sa tràchida de sos canes de unu fusile e si nch'est arritzadu ◊ in dainnantis de sa fera li negabat semper su fusile Scientific Terminology rms Translations French fusil English rifle Spanish fusil Italian fucile German Gewehr.

fusilàda , nf: fusilata, fuxilada Definition isparu fatu a fousile Synonyms e antonyms archibbusada, busilada, foconada, scupetada Sentences l'at iscutu una fusilada ◊ s'intendheit s'istràchidu forte de sa fusilada ◊ su ràndhine iscudiat a sos bidros e tzocaiat che fusiladas Etymon srd. Translations French coup de fusil English gunshot Spanish fusilazo Italian fucilata German Gewehrschuß.

iscopèta , nf, nm: iscopete, iscupeta, sciupeta Definition genia de fosile / èssiri a i. incanada = pronta a isparare Synonyms e antonyms fosile, frumminante, isciapete, trumboni, tzistupu Sentences li sunt mancados s'iscopete e una pistola ◊ furint giogandho a iscopete de sammucu Scientific Terminology rms Etymon ctl., spn. Translations French fusil English musket Spanish escopeta Italian schiòppo German Büchse.

iscopetàda , nf: iscupetada, scupetada Definition cropu, isparu de iscupeta Synonyms e antonyms archibbusada, fusilada, ischibbusada Translations French coup de fusil English shot Spanish escopetazo Italian schioppettata German Büchsenschuß.