Legenda Incurtzaduras | Legenda Sìmbulos

cuàrtziga , nf: cuàtziga, culàrtziga Definitzione sa parte de asegus de su fosile, sa chi si imbarat a su codhu isparandho Sinònimos e contràrios culàssiga Frases dh'at ameletzau cun su fusili, no po dhu isparai ma po dhu fèrriri cun sa cuàrtziga Tradutziones Frantzesu crosse du fusil Ingresu butt Ispagnolu culata Italianu càlcio del fucile Tedescu Gewehrkolben.

fosíle , nm: frusili, fusile, fusili, fusíliu, fuxili Definitzione arma a canna longa po isparare, de leare cun ambas manos / partes de su f.: sa canna (sa parte longa coment’e tubbu ue che essit su tiru), sa càssia (ue portat sa càrriga), su cane (genia de martedhu chi iscudendho a cropu a sa càssula de sa cartúcia faet partire su tiru), su grillete (genia de leva chi si tirat po che isparare su cane), sa segura (genia de butone o àteru chi, segundhu comente si ponet, impedit de isparare de malascigura), su pè, parte de asegus de linna, sa cuàrtziga (sa parte chi si arrimat a su codhu isparandho), sa bindella (tira de pedhe po dhu pigare intrau in su codhu) Sinònimos e contràrios busile, isciapete, iscopeta, trumboni, tzistupu Maneras de nàrrere csn: garrigare su f. = pònnere sa o sas cartutzas a lu muntènnere prontu de pòdere isparare; su f. at fatu topi = at negadu, no bi at isparadu; a f. a muru codhu = cun su f. a codhu, apicadu a su codhu cun sa bindella Frases bidia custos amigos fatendhe sulavogos dae sas cannas de cussos fusiles (A.Palita)◊ su fusile meu no fadhit unu corpu ◊ at intesu sa tràchida de sos canes de unu fusile e si nch'est arritzadu ◊ in dainnantis de sa fera li negabat semper su fusile Terminologia iscientìfica rms Tradutziones Frantzesu fusil Ingresu rifle Ispagnolu fusil Italianu fucile Tedescu Gewehr.

fusilàda , nf: fusilata, fuxilada Definitzione isparu fatu a fousile Sinònimos e contràrios archibbusada, busilada, foconada, scupetada Frases l'at iscutu una fusilada ◊ s'intendheit s'istràchidu forte de sa fusilada ◊ su ràndhine iscudiat a sos bidros e tzocaiat che fusiladas Ètimu srd. Tradutziones Frantzesu coup de fusil Ingresu gunshot Ispagnolu fusilazo Italianu fucilata Tedescu Gewehrschuß.

iscopèta , nf, nm: iscopete, iscupeta, sciupeta Definitzione genia de fosile / èssiri a i. incanada = pronta a isparare Sinònimos e contràrios fosile, frumminante, isciapete, trumboni, tzistupu Frases li sunt mancados s'iscopete e una pistola ◊ furint giogandho a iscopete de sammucu Terminologia iscientìfica rms Ètimu ctl., spn. Tradutziones Frantzesu fusil Ingresu musket Ispagnolu escopeta Italianu schiòppo Tedescu Büchse.

iscopetàda , nf: iscupetada, scupetada Definitzione cropu, isparu de iscupeta Sinònimos e contràrios archibbusada, fusilada, ischibbusada Tradutziones Frantzesu coup de fusil Ingresu shot Ispagnolu escopetazo Italianu schioppettata Tedescu Büchsenschuß.

«« Torra a chircare