Ditzionàriu in línia
de sa limba e de sa cultura sarda

botighínu , nm: butechinu, buteghinu Definition genia de butega inue bendhent cosas de bufare, o de fumare Synonyms e antonyms cilleri / istancu / cdh. butighinu Sentences in su buteghinu chi aiat comporadu, Efis campaiat sa vida bendhendhe binos e licores ◊ su dinari si che l'at ispesu in su butighinu ◊ oe su mere de su buteghinu est diventadu perfetu alchimista: cun abba bruta e drogas faghet binu (Testoni) Translations French gargote, bistrot English tavern Spanish taberna Italian béttola German Kneipe.

tzilléri , nm: cilleri, itzilleri Definition genia de butega inue bendhent cosas de bufare; chie atendhet in su tzilleri Synonyms e antonyms botighinu / tzilleràgiu Sentences essiat a si acioncare sos concales de su binu in su tzilleri ◊ bi ndhe aiat chi che lis barigaiat sa note in su tzilleri ◊ a su tzilleri intrant a bufare ◊ ciaschendhe totugantos e bufendhe pariant in tzilleri! ◊ est faendhe su pastore, portat unu bellu capitale, ma candho est in bidha est semper peri sos tzilleris! Etymon ctl., spn. celler, cillero Translations French gargote English bar, tavern Spanish bar, taberna Italian bar, béttola German Kneipe.