Ditzionàriu in línia
de sa limba e de sa cultura sarda

afídu , nm Definition sa funtzione de candho duos si cójuant Synonyms e antonyms bodas, cogiuonzu, coja, cojànscia, cójuba, cojubiu, isposognu, nunsas / fide Idioms csn: dare manu de afidu = dare sa peràula, fàghere sa promissa de isposare; su primu note de s'afidu = su primu note de cojados noos; àere o dare in afidu = leare o dare carchi cosa de o a un'àteru cun fide, dendhe fide, pro si ndhe incurare, pro la tènnere contu Sentences comintzat s'afidu: ite bella préiga Babbai Detori, chi nachi s'amore no timet làcanas!…◊ sunt preparendhe sa festa de s'afidu ◊ sos duos zòvanos pro s'afidu seberesint s'última domíniga de santandria ◊ sas bighinas mi promitiant donos a s'afidu 2. e tantu l'at fatu e tantu l'at immatanadu chi li at dadu sa manu de afidu 3. sos chejulanos fissos dant in s'amministrare pagu afidu (S.Casu) 4. as a tènnere in afidu custu bellu giardinu Scientific Terminology sntz Etymon srd. Translations French mariage, noces English wedding Spanish nupcias, boda Italian sposalìzio German Hochzeit.

ammoràre , vrb: amorai, amurai Definition totu su chi duos faent de bonu s'unu po s'àteru, ómine e fémina, candho funt isposos e s'istimant cun s'idea de si cojuare; betare istima a unu, a una, cricare, èssere sèmpere impare Synonyms e antonyms fastigiai / abbaradhare, abbelare, imbelare, inamorai, indeosare, ingeniai Sentences oe comente fato a ti amorare? ◊ no ses menzus tue de sa chi so amorandhe ◊ sos tempos bellos si che sunt colados umpare chin su tempus de ammorare! ◊ bastat chi dh'amorit po dh'isposai, cussa dhu càrrigat de dinai puru! 2. totu sos chi la bident si ndhe ammorant de cantu atraet s'ermosura sua ◊ prite ti amoras, ca no cherjo a tie?! Scientific Terminology ssl Etymon srd. Translations French être fiancés, s'engager par une promesse de mariage English to be connected with Spanish ser novios, llevarse bien con alguien Italian avére una relazióne d'amóre, èssere fidanzati German ein Liebesverhältnis unterhalten, verlobt sein.

bòdas , nf Definition funtzione e festa de candho duos si cójuant (si narat fintzes singulare) Synonyms e antonyms afidu, cogiuognu, coja, cojànscia, cójuba, cojubiu, isposognu, nunsas / falóldia, festa Sentences sa zente chi venit a sa boda devet gudire totu sa tzerimónia comente l'amus connota 2. e aici boit narri ca cras seis de bodas?! ◊ Gesugristu at fatu su primu miràculu in is bodas de Cana Etymon spn. bodas Translations French noces, mariage English wedding Spanish bodas Italian nòzze German Hochzeit.

cógiu , nm, nf: cógiua, coja, coju, cójua, cójuva, cóua, cozu, cózua Definition su pigare fémina o leare ómine po pesare famíglia impare; sa festa de s'isposóngiu; in is araos de linna cun sa timona aciunta, su tretu inue sa punta s'innestat cun su pei / iscrarí, assegurai sa coja = bogare a craru, ilgiarire su coju, fàghere su fidantzamentu, s'asseguronzu, sa cojancraru Synonyms e antonyms afidu, bodas, cogiuognu, cojànscia, cójuba, cojubiu, isposognu, nunsas Sentences ant ilgiaridu su coju e si sunt fidantzados ◊ su coju dai fora paret ozu e mele, ma addaghi che ses in mesu essint sos pecos ◊ coja po interessu no fatzant! ◊ po fàere sa miscione de sa cójua andàt su babbu e sa mama ◊ commo sa cózua est fata e crepet a chie non bolet! 2. cantos cojos, batizos e interros li sunt passados suta a ojos! (P.Casu)◊ sa note chi faghent su cógiu li sonant caldarones in sa gianna ◊ in su coju si sunt fatos totu a crébida, manighendhe ◊ si costumavat a fàghere sa gara de poesia in tusòrgios, cójuvas e cilleris Surnames and Proverbs prb: a chini in coja isbàgliat s'inferru in terra passat ◊ pani mali papau, coja fata ammarolla Scientific Terminology sntz Etymon srd. Translations French mariage English wedding Spanish casamiento, boda Italian matrimònio German Hochzeit.

cojànscia, cojàntza , nf: cojuànscia, cojuàntzia Definition su si cojuare, sa festa de s'isposóngiu; is donos chi donant a s'isposa candho andhat a domo de su pobidhu / a prima c. = apenas cojuados Synonyms e antonyms afidu, bodas, cogiuognu, coja, cójuba, cojubiu, cojuju, nunsas, isposognu Sentences piciocus e piciocas si faiant promissas de cojantza 2. cosendhe sa cojuànscia ses? ◊ filat sa betza sétida in sa gianna sa cojànscia a sa de vinti netas (P.Casu)◊ is sorgus dhi ant fatu una bella cojantza ◊ a fiza mia li dao una fressada in cojuànscia Etymon srd. Translations French mariage, noces English wedding Spanish casamiento, bodas Italian sposalìzio, nòzze German Hochzeit.

cojèra , nf Synonyms e antonyms coja, cogiuognu, cojànscia, cójuba, cojubiu Sentences no l'abbàides, s'ispesa, faghindhe cussa cojera! Etymon srd. Translations French mariage English wedding Spanish casamiento Italian matrimònio German Hochzeit.

cojubíu, cojúbiu , nm: cojuviu, cujubiu, coxuiu, cozuiu, cozuviu Definition su cojuare, su pigare pobidha o pobidhu Synonyms e antonyms afidu, bodas, cogiuognu, coja, cojànscia, cójuba, cujubera, isposognu, nunsas Idioms csn: acrarire su cojubiu = bogai in craru sa coja; a cojuvios de mese = acabbendi unu mesi e cumentzendi s'àteru Sentences su cojúbiu est comente a bíbere dae sa tzuca: no s'ischit ite bi at in intro ◊ su cozuiu nostru no tenet finitia Etymon srd. Translations French mariage, noces English matrimony Spanish casamiento, bodas Italian matrimònio, sposalìzio German Hochzeit.

prubbicàtas , nf pl: pubblicata, pubbricada, pubbricata Definition paperi cun is númenes de is giòvonos (o no giòvonos!) chi ant decídiu de si cojuare, a manera chi totus dh'ischípiant (e poite, si pentzat, dhue podet àere cosa in contràriu)/ fàghere sas prubbicatas = arregossiare, pònnere sos papiros, o sas cartas, in crésia de comente ómine e fémina si cherent cojare Synonyms e antonyms ammonestatzioni, prenúnscia Sentences po sa coja de custus dus est totu prontu, su vicàriu at fatu is prubbicatas puru ◊ aiant detzisu de si coxuare e aiant postu sas prubbicatas in su Comune e in chéxia Etymon ctl., spn. publicata Translations French publications de mariage English banns Spanish amonestaciones Italian pubblicazióne matrimoniale German Aufgebot.