Abbreviations Legenda | Symbols Legend

indrucài, indrucàre , vrb: indruciai, indulcai, indulciai, indurcai, indurcare, indurciai, indurtzare, undrucai Definition fàere druche, prus druche; pònnere a pèrdere su marigosore, s'aspore, s'arridore o calecuna àtera calidade mala / i. linnàmini, su linu = pònnere a modhe su linnàmine, impojare su linu Synonyms e antonyms addruchire, addulcare, ingruciai, immelai, indruchire, melai | ctr. ammarigosae, irranchidare Sentences su gafè s'indurcat cun su túcaru ◊ sas frútoras sunt totus indurcandhe ◊ porta cussus drucis… ca s'indruciaus! ◊ po t'indruciai sa buca piga un'incuedhu de tzúcuru! 2. s'olia de cufetu trapada si ponet in abba a indurcare ◊ s'olia trapada s'indurcat in s'abba 3. in sa noti de billa s'indúlciat s'arregordu de una boxi, de unu nòmini ◊ Antoni como s'est indrucau fintzes in su foedhare Etymon ltn. indulcare Translations French sucrer, adoucir English to sweeten Spanish endulzar Italian addolcire German süßen.

indruchíre , vrb: indruciri, indulchire, indurchire Definition fàere druche, prus druche, fintzes in cobertantza Synonyms e antonyms addruchire, addulcare, immelai, indrucai*, melai | ctr. ammarigosae, irranchidare Sentences cúmpida sas intragnas odiosas po indruchire dogni ranchizore! ◊ su coru de s'ómini indrucit s'araxi de custu trumbullu Translations French sucrer English to sweeten Spanish endulzar Italian addolcire German süßen.

intucaràre , vrb: intucherare, intzucorare, intzucurai Definition indrucare cun su tzúcuru, pònnere o betare tzúcuru Synonyms e antonyms tucarare Sentences fit bella cudha càriga totu intucherada! ◊ cussos sunt ninnadores intucherados cun fele! Translations French saupoudrer de sucre, sucrer English to sugar Spanish azucarar Italian inzuccherare German zuckern.

melài , vrb: ammelai* Definition cundhire cun su mele, indrucare Synonyms e antonyms ammerrare, immelai / addruchire, addulcare, indrucai, indurchire Translations French sucrer English to sweeten (with honey) Spanish endulzar con miel Italian addolcire, condire col mièle German mit Honig anmachen.

tucaràre , vrb: tucherare, tucorare, tzucorare Definition pònnere (bogare) su tzúcuru, comente faet a sola sa figu sicada chistia (si faet bianca) Synonyms e antonyms atzucarai, intucarare 2. sa càriga si est totu tucorada Translations French sucrer English to sugar Spanish azucarar Italian zuccherare German zuckern.

«« Search again