Ditzionàriu in línia
de sa limba e de sa cultura sarda

ampúdha , nf, nm: ampulla, ampullu Definition genia de istrégiu (de imbidru, de plàstica) de calecunu litru: largu in bàsciu, in su fundhu, sa parte de pitzu est a bisura de imbudu covecau, sèmpere prus istrinta fintzes a sa buca (dhue ndh'at chi funt totue paríviles e s'impiticant totinduna in s'oru de sa buca); genia de bubburuca prena de abbadúgia chi si faet in sa pedhe abbruxada / partes de un'ampudha: su fundhu, is costaos, su tzugu o tuturigu, sa buca; min. ampudhita, ampullita, ampullitedha / un'ampulla irguzada = istrugada, chi dhi ammancat su tuturigu, a tzugu segau Synonyms e antonyms àmbula, impudha / bobbollonca, fiodha Sentences sunt bufendhe su binu in su conzu sentza chircare ne ampulla e ne tatza! ◊ mamma, pongat sa mesa, sa tialla e s'ampudha! ◊ apu agatau cust'ampudha, prena: is atras funt buidas ◊ cherjo amigos cuntentos irboidendhe tassas e ampullas ◊ s'intendhet su fiagu de su binu travasadu in ampullos 2. innantis de si fàghere su callu si faghet s'ampudha prena de abbaduza Scientific Terminology stz Etymon ltn. ampulla Translations French bouteille English bottle Spanish botella Italian bottìglia German Flasche.

ampudhíta, ampudhítu , nf, nm: ampullita Definition min. de ampudha, ampulla minoredha, chi leat pagu (a pònnere profumos, campiones de licores, o àteru)/ min. ampudhitedhu Synonyms e antonyms ambuledha, ambulita, ampulledha, butigliedhu, flacone Sentences ci no arreiant abba in buca no arrenesciant a prènnere s’ampudhitu Translations French petite bouteille English small bottle Spanish ampolla Italian bottigliètta German Fläschchen.

ampullòne , nm Definition genia de ampudha manna, de unos duos litros / bestire un’a. = impallai, pònniri calincuna cosa (pértias, fenu, giuncu) coment’e bestimentu a intessidura chi serbat a dhi arresparmiai corpos, chi no si seghit Synonyms e antonyms botiglione, corrofone, pistone Sentences si che at tragadu un'ampullone de binu! Scientific Terminology stz Etymon srd. Translations French grosse bouteille English large bottle Spanish garrafón Italian bottiglióne German große Flasche.

arresolièra , nf Definition ampudhita a pònnere rosóliu, licore Scientific Terminology stz Translations French buteille à liquer English rosolio bottle Spanish botella para rosoli Italian rosolièra German Glasbehälter für Rosolio.

birrichèdha , nf Definition min. de birra po ampudhita de birra Translations French petite bière English little bottle of beer Spanish cerveza pequeña Italian birroncino German Seidel.

butigliédhu , nm Definition istuzighedhu de imbidru prus che àteru po meighina Synonyms e antonyms ampudhita Sentences allestru, aporrimindi cussu butigliedhu ca dhoi at mixina! Translations French flacon English bottle Spanish frasco Italian flacóne German Fläschchen.

imbotillàre , vrb: imbutigliai, imbutigliare, imbutillare Definition pònnere sa cosa in ampudhas Translations French embouteiller English to bottle Spanish embotellar Italian imbottigliare German in Flaschen abfüllen.

nuschèra , nf Definition su istare nuschendhe, fragandho, fintzes s'arrancu chi si pigat; istugighedhu cun àcua de fragus Synonyms e antonyms nuschinzu Etymon srd. Translations French flacon pour parfum English parfum bottle Spanish olfacción, pomo Italian portaprofumi German Fläschchen Parfüm.

puparòla , nf Definition genia de ampudhita cun su tapu a tzimingione po giare su late a suidura a is pipiedhos Synonyms e antonyms tapicera, titiera Sentences mi nche so tzapau mannitu e ancudu, pesau a puparola dae unu babbu firmu che roca e dae un'ajaja chin manos de oro e sanos sentios (Farina) Translations French biberon English bottle (feeding) Spanish biberón Italian poppatóio German Milchflasche.

titièra , nf Synonyms e antonyms puparola, tapicera Etymon srd. Translations French biberon English bottle (feeding) Spanish biberón Italian poppatóio German Milchflasche.

totorígu , nm: toturigu, tuturigu, tutúrigu Definition tzugu de un'ampudha e ampullones e àteras cosas deasi, ma fintzes tapu Synonyms e antonyms grugullu Sentences is frascus funt prenus fintzas a tuturigu ◊ dhu pigat coment'e unu tuturigu de crocoriga, nanca tenit sabori de acuardenti! 2. a sa crocoriga dhi cuncordu unu tuturigu (G.Piras) Translations French goulot English neck of bottle Spanish cuello de botella Italian còllo di bottìglia German Flaschenhals.