Ditzionàriu in línia
de sa limba e de sa cultura sarda

ampúdha , nf, nm: ampulla, ampullu Definitzione genia de istrégiu (de imbidru, de plàstica) de calecunu litru: largu in bàsciu, in su fundhu, sa parte de pitzu est a bisura de imbudu covecau, sèmpere prus istrinta fintzes a sa buca (dhue ndh'at chi funt totue paríviles e s'impiticant totinduna in s'oru de sa buca); genia de bubburuca prena de abbadúgia chi si faet in sa pedhe abbruxada / partes de un'ampudha: su fundhu, is costaos, su tzugu o tuturigu, sa buca; min. ampudhita, ampullita, ampullitedha / un'ampulla irguzada = istrugada, chi dhi ammancat su tuturigu, a tzugu segau Sinònimos e contràrios àmbula, impudha / bobbollonca, fiodha Frases sunt bufendhe su binu in su conzu sentza chircare ne ampulla e ne tatza! ◊ mamma, pongat sa mesa, sa tialla e s'ampudha! ◊ apu agatau cust'ampudha, prena: is atras funt buidas ◊ cherjo amigos cuntentos irboidendhe tassas e ampullas ◊ s'intendhet su fiagu de su binu travasadu in ampullos 2. innantis de si fàghere su callu si faghet s'ampudha prena de abbaduza Terminologia iscientìfica stz Ètimu ltn. ampulla Tradutziones Frantzesu bouteille Ingresu bottle Ispagnolu botella Italianu bottìglia Tedescu Flasche.

ampudhíta, ampudhítu , nf, nm: ampullita Definitzione min. de ampudha, ampulla minoredha, chi leat pagu (a pònnere profumos, campiones de licores, o àteru)/ min. ampudhitedhu Sinònimos e contràrios ambuledha, ambulita, ampulledha, butigliedhu, flacone Frases ci no arreiant abba in buca no arrenesciant a prènnere s’ampudhitu Tradutziones Frantzesu petite bouteille Ingresu small bottle Ispagnolu ampolla Italianu bottigliètta Tedescu Fläschchen.

ampullòne , nm Definitzione genia de ampudha manna, de unos duos litros / bestire un’a. = impallai, pònniri calincuna cosa (pértias, fenu, giuncu) coment’e bestimentu a intessidura chi serbat a dhi arresparmiai corpos, chi no si seghit Sinònimos e contràrios botiglione, corrofone, pistone Frases si che at tragadu un'ampullone de binu! Terminologia iscientìfica stz Ètimu srd. Tradutziones Frantzesu grosse bouteille Ingresu large bottle Ispagnolu garrafón Italianu bottiglióne Tedescu große Flasche.

arresolièra , nf Definitzione ampudhita a pònnere rosóliu, licore Terminologia iscientìfica stz Tradutziones Frantzesu buteille à liquer Ingresu rosolio bottle Ispagnolu botella para rosoli Italianu rosolièra Tedescu Glasbehälter für Rosolio.

birrichèdha , nf Definitzione min. de birra po ampudhita de birra Tradutziones Frantzesu petite bière Ingresu little bottle of beer Ispagnolu cerveza pequeña Italianu birroncino Tedescu Seidel.

butigliédhu , nm Definitzione istuzighedhu de imbidru prus che àteru po meighina Sinònimos e contràrios ampudhita Frases allestru, aporrimindi cussu butigliedhu ca dhoi at mixina! Tradutziones Frantzesu flacon Ingresu bottle Ispagnolu frasco Italianu flacóne Tedescu Fläschchen.

imbotillàre , vrb: imbutigliai, imbutigliare, imbutillare Definitzione pònnere sa cosa in ampudhas Tradutziones Frantzesu embouteiller Ingresu to bottle Ispagnolu embotellar Italianu imbottigliare Tedescu in Flaschen abfüllen.

nuschèra , nf Definitzione su istare nuschendhe, fragandho, fintzes s'arrancu chi si pigat; istugighedhu cun àcua de fragus Sinònimos e contràrios nuschinzu Ètimu srd. Tradutziones Frantzesu flacon pour parfum Ingresu parfum bottle Ispagnolu olfacción, pomo Italianu portaprofumi Tedescu Fläschchen Parfüm.

puparòla , nf Definitzione genia de ampudhita cun su tapu a tzimingione po giare su late a suidura a is pipiedhos Sinònimos e contràrios tapicera, titiera Frases mi nche so tzapau mannitu e ancudu, pesau a puparola dae unu babbu firmu che roca e dae un'ajaja chin manos de oro e sanos sentios (Farina) Tradutziones Frantzesu biberon Ingresu bottle (feeding) Ispagnolu biberón Italianu poppatóio Tedescu Milchflasche.

titièra , nf Sinònimos e contràrios puparola, tapicera Ètimu srd. Tradutziones Frantzesu biberon Ingresu bottle (feeding) Ispagnolu biberón Italianu poppatóio Tedescu Milchflasche.

totorígu , nm: toturigu, tuturigu, tutúrigu Definitzione tzugu de un'ampudha e ampullones e àteras cosas deasi, ma fintzes tapu Sinònimos e contràrios grugullu Frases is frascus funt prenus fintzas a tuturigu ◊ dhu pigat coment'e unu tuturigu de crocoriga, nanca tenit sabori de acuardenti! 2. a sa crocoriga dhi cuncordu unu tuturigu (G.Piras) Tradutziones Frantzesu goulot Ingresu neck of bottle Ispagnolu cuello de botella Italianu còllo di bottìglia Tedescu Flaschenhals.