Ditzionàriu in línia
de sa limba e de sa cultura sarda

ampúdha , nf, nm: ampulla, ampullu Definitzione genia de istrégiu (de imbidru, de plàstica) de calecunu litru: largu in bàsciu, in su fundhu, sa parte de pitzu est a bisura de imbudu covecau, sèmpere prus istrinta fintzes a sa buca (dhue ndh'at chi funt totue paríviles e s'impiticant totinduna in s'oru de sa buca); genia de bubburuca prena de abbadúgia chi si faet in sa pedhe abbruxada / partes de un'ampudha: su fundhu, is costaos, su tzugu o tuturigu, sa buca; min. ampudhita, ampullita, ampullitedha / un'ampulla irguzada = istrugada, chi dhi ammancat su tuturigu, a tzugu segau Sinònimos e contràrios àmbula, impudha / bobbollonca, fiodha Frases sunt bufendhe su binu in su conzu sentza chircare ne ampulla e ne tatza! ◊ mamma, pongat sa mesa, sa tialla e s'ampudha! ◊ apu agatau cust'ampudha, prena: is atras funt buidas ◊ cherjo amigos cuntentos irboidendhe tassas e ampullas ◊ s'intendhet su fiagu de su binu travasadu in ampullos 2. innantis de si fàghere su callu si faghet s'ampudha prena de abbaduza Terminologia iscientìfica stz Ètimu ltn. ampulla Tradutziones Frantzesu bouteille Ingresu bottle Ispagnolu botella Italianu bottìglia Tedescu Flasche.

ampullòne , nm Definitzione genia de ampudha manna, de unos duos litros / bestire un’a. = impallai, pònniri calincuna cosa (pértias, fenu, giuncu) coment’e bestimentu a intessidura chi serbat a dhi arresparmiai corpos, chi no si seghit Sinònimos e contràrios botiglione, corrofone, pistone Frases si che at tragadu un'ampullone de binu! Terminologia iscientìfica stz Ètimu srd. Tradutziones Frantzesu grosse bouteille Ingresu large bottle Ispagnolu garrafón Italianu bottiglióne Tedescu große Flasche.

bòmbola , nf: bòmmola Definitzione genia de bidone o istúgiu serrau po dhue pònnere gasu a pressione Frases su gasu lu bendhent in bòmbolas pro coghinare, pro istufas a caentare Tradutziones Frantzesu bonbonne Ingresu cylinder Ispagnolu bombona Italianu bómbola Tedescu Flasche.

pistòne , nm: pistoni 1 Definitzione ampudha manna, istregighedhu po binu, prus che àteru frascu mannu bestiu a pertighedhas / pedr'e pistoni = pedra niedha, crobina Sinònimos e contràrios ampullone, corrofone, fiascu Frases su meri mi at portau unu pistonedhu de piriciolu ◊ at comperau duus pistonis de binu ◊ morendi de su sidi, agiummai si bufat unu pistoni de àcua! ◊ cussu pistone est segadu: no rezet s'abba!◊ funt bufendi cun tassa e… intullendi a pistoni! Sambenados e Provèrbios smb: Pistone Terminologia iscientìfica stz Ètimu itl.l pistón Tradutziones Frantzesu grosse bouteille Ingresu large-bottle Ispagnolu botellón, garrafón Italianu bottiglióne Tedescu große Flasche.