Legenda Abbreviazioni | Legenda Simboli

ampúdha , nf, nm: ampulla, ampullu Definizione genia de istrégiu (de imbidru, de plàstica) de calecunu litru: largu in bàsciu, in su fundhu, sa parte de pitzu est a bisura de imbudu covecau, sèmpere prus istrinta fintzes a sa buca (dhue ndh'at chi funt totue paríviles e s'impiticant totinduna in s'oru de sa buca); genia de bubburuca prena de abbadúgia chi si faet in sa pedhe abbruxada / partes de un'ampudha: su fundhu, is costaos, su tzugu o tuturigu, sa buca; min. ampudhita, ampullita, ampullitedha / un'ampulla irguzada = istrugada, chi dhi ammancat su tuturigu, a tzugu segau Sinonimi e contrari àmbula, impudha / bobbollonca, fiodha Frasi sunt bufendhe su binu in su conzu sentza chircare ne ampulla e ne tatza! ◊ mamma, pongat sa mesa, sa tialla e s'ampudha! ◊ apu agatau cust'ampudha, prena: is atras funt buidas ◊ cherjo amigos cuntentos irboidendhe tassas e ampullas ◊ s'intendhet su fiagu de su binu travasadu in ampullos 2. innantis de si fàghere su callu si faghet s'ampudha prena de abbaduza Terminologia scientifica stz Etimo ltn. ampulla Traduzioni Francese bouteille Inglese bottle Spagnolo botella Italiano bottìglia Tedesco Flasche.

ampullòne , nm Definizione genia de ampudha manna, de unos duos litros / bestire un’a. = impallai, pònniri calincuna cosa (pértias, fenu, giuncu) coment’e bestimentu a intessidura chi serbat a dhi arresparmiai corpos, chi no si seghit Sinonimi e contrari botiglione, corrofone, pistone Frasi si che at tragadu un'ampullone de binu! Terminologia scientifica stz Etimo srd. Traduzioni Francese grosse bouteille Inglese large bottle Spagnolo garrafón Italiano bottiglióne Tedesco große Flasche.

bòmbola , nf: bòmmola Definizione genia de bidone o istúgiu serrau po dhue pònnere gasu a pressione Frasi su gasu lu bendhent in bòmbolas pro coghinare, pro istufas a caentare Traduzioni Francese bonbonne Inglese cylinder Spagnolo bombona Italiano bómbola Tedesco Flasche.

pistòne , nm: pistoni 1 Definizione ampudha manna, istregighedhu po binu, prus che àteru frascu mannu bestiu a pertighedhas / pedr'e pistoni = pedra niedha, crobina Sinonimi e contrari ampullone, corrofone, fiascu Frasi su meri mi at portau unu pistonedhu de piriciolu ◊ at comperau duus pistonis de binu ◊ morendi de su sidi, agiummai si bufat unu pistoni de àcua! ◊ cussu pistone est segadu: no rezet s'abba!◊ funt bufendi cun tassa e… intullendi a pistoni! Cognomi e Proverbi smb: Pistone Terminologia scientifica stz Etimo itl.l pistón Traduzioni Francese grosse bouteille Inglese large-bottle Spagnolo botellón, garrafón Italiano bottiglióne Tedesco große Flasche.

«« Cerca di nuovo