Ditzionàriu in línia
de sa limba e de sa cultura sarda

carésia , nf: cerésia, ceréssia, ceréxia, cherésia, cheréssia, ciarésia, ciaréxia, créssia Definition genia de mata chi faet manna meda (bona fintzes po linna de òpera) e bogat unu frutu (upm) tundhitu, de sa mannària de un’olia, a tenaghe longu, cabudàrgiu (primu frutu nou, in beranu), de colore orrúbiu craru o fintzes cotu / in su frutu si podet distínghere: s'apiconi o tenaxi, sa prupa, su pisu, su papu de su pisu Synonyms e antonyms cariasa, ceràsia Sentences funt artziaus a is ceréxias ◊ ingunis est totu prantau a ceréxias ◊ tenia un'àlvure de cherésia alta chi no arrivaia a ndhe godhire 2. ti avertu, isturru, de no tocai prus cerésia! ◊ labai, ceréxia druci, barata!…◊ in logu nostu feus sa festa de sa ceréxia ◊ acudu a ispibidai cuatru o cíncui cerésias candu de suncunas si truncat su cambu…◊ oe annaus totus ca n'ispicaus sa cheréssia dae sa mata Scientific Terminology mtm, frt, Prunus cerasus Etymon itl. Translations French cerisier, cerise English cherry-tree, cherry Spanish cerezo Italian ciliègio, ciliègia German Kirschbaum, Kirsche.

cariàsa , nf: cariaxa, cheràsia, cheriasa, chiriasa, chiriaxa Definition cheréssia, genia de mata chi faet manna meda (bona fintzes po linna de òpera) e bogat unu frutu tundhitu cun tenaghe longu, de sa mannària de un’olia, cabudàrgiu (primu frutu nou de beranu), de colore orrúbiu craru o fintzes cotu / a/c. sa cariasa (upm) = su frutu; sas cariasas = is matas de sa cariasa / unu romagliete de c. = zenia de trintzilleri (brúnzulu), comente ndhe faghet mescamente sa calidade minuda; cariasa médhighe = a romagliete de duas, a croba; calidades sardas de cariasa: allíngiu, arbagessa, arrúbia, barracochina (barracoca, barracocale, una creze madura e prus durche), carrofali, conca de moru, coru bianca, de ispíritu, de nuxi, marigosa, maurredhina niedha, primaria, tanaxi curtzu, zíngala; ceréxia imbriaga o burda = una creze de cariasa areste (Prunus avium) Synonyms e antonyms carésia, ceràsia / cdh. criaxa Sentences cuss'ortu est postu totu a cariasas ◊ sas cariasas faghent in logu artu e mescamente in umbrinu ◊ su coro meu bolat a tie, Sardigna bella, e a su monte de bidha cun péssighes e ménnulas in fiore e cariasas! 2. at bodhidu una pischedha de cariasa ◊ tra chiriasa e fémina interessat su colore piús de sa dultzura…◊ pro duas cariasas chi si ant manigadu ti arrennegas?! ◊ sa cariasa est irrujendhe ◊ in sa festa una tonaresa est bendhendhe turrone, nuzola, cariasa sica e sèmene de corcuvica 3. acudit sa pisedhina che a sa cariasa Scientific Terminology mtm, frt, Prunus cerasus Translations French cerisier, cerise English cherry-tree, cherry Spanish cerezo, cereza Italian ciliègio, ciliègia German Kirschbaum, Kirsche.

cariasambriàga , nf Definition una calidade de cheréssia areste Synonyms e antonyms cerexiabburda, ghinda Scientific Terminology mtm, frt, Prunus avium Etymon srd. Translations French merise English cherry-tree, cherry Spanish cerezo silvestre Italian ciliègio selvàtico, ciliègia bisciolina German Kirschbaum.

cariasàrju , nm Definition ortu, logu prantau a cheréssias Sentences si at picau unu cariasarju a frutu parte Etymon srd. Translations French cerisaie English cherry orchard Spanish cerezal Italian ciliegéto German Kirschgarten.

cariasínu , agt Definition chi est de cheréssia, in colore de cheréssia, che cheréssia / olia cariasina = zenia de olia de cufetu, tundha Synonyms e antonyms arrubiastu, rujastrinu, rujatu, rujonzu / tundhatzu Sentences est bellu cussu pane chin su butone cariasinu in mesu Etymon srd. Translations French rouge cerise English cherry red Spanish cereza Italian ciliegiòlo German Weichselkirsche.

carrafàle , agt, nf: cordofali, corrofale, garrofali Definition calidade de cheréssia barracochina, matuca meda Synonyms e antonyms cdh. carrafali Idioms csn: fàula carrafale = manna meda; poeta carrafale = fentomadu, bonu Sentences sa cariasa areste tenet tenaghe tundhu che a sa carrafale…◊ at collitu ménnula durche e cariasa corrofale 2. talentone, poete carrafale! (P.Casu) Etymon ctl., spn. Translations French cerise variété burlat, napoléon English kind of very big cherry Spanish garrafal Italian qualità di ciliègia mólto gròssa German sehr große Kirsche.

ceresiadàma , nf Definition genia de mata po bellesa, nada deosi po su frutighedhu orrúbiu cotu ma toscosu chi faet Synonyms e antonyms belladonna 1 Scientific Terminology frs, Solanum pseudocapsicum Translations French pommier d'amour English Jerusalem cherry Spanish cerezo de Jerusalen Italian pómi d'amóre German Korallenstrauch.

cerexiabbúrda , nf Definition una genia de cheréssia areste, mata (manna) e frutu Synonyms e antonyms cariasambriaga, ghinda Scientific Terminology mtm, Prunus avium Translations French merisier English wild cherry Spanish cerezo silvestre Italian ciliègia bisciolina German Vogelkirsche.

uciúva , nf Definition genia de erba a cambu grussitu e artu fintzes de metro e frutu chi faet (coment'e unu fodhe chi portat aintru una tamatedha tundha, groga candho est cota, bona a papare e ) Scientific Terminology rbzc, Physalis peruviana. Translations French coqueret du Pérou English physalis, peruvian cherry Spanish aguaymanto, tomatillo Italian alchechèngio peruviano German Kapstachelbeere.