Ditzionàriu in línia
de sa limba e de sa cultura sarda

carésia , nf: cerésia, ceréssia, ceréxia, cherésia, cheréssia, ciarésia, ciaréxia, créssia Definizione genia de mata chi faet manna meda (bona fintzes po linna de òpera) e bogat unu frutu (upm) tundhitu, de sa mannària de un’olia, a tenaghe longu, cabudàrgiu (primu frutu nou, in beranu), de colore orrúbiu craru o fintzes cotu / in su frutu si podet distínghere: s'apiconi o tenaxi, sa prupa, su pisu, su papu de su pisu Sinonimi e contrari cariasa, ceràsia Frasi funt artziaus a is ceréxias ◊ ingunis est totu prantau a ceréxias ◊ tenia un'àlvure de cherésia alta chi no arrivaia a ndhe godhire 2. ti avertu, isturru, de no tocai prus cerésia! ◊ labai, ceréxia druci, barata!…◊ in logu nostu feus sa festa de sa ceréxia ◊ acudu a ispibidai cuatru o cíncui cerésias candu de suncunas si truncat su cambu…◊ oe annaus totus ca n'ispicaus sa cheréssia dae sa mata Terminologia scientifica mtm, frt, Prunus cerasus Etimo itl. Traduzioni Francese cerisier, cerise Inglese cherry-tree, cherry Spagnolo cerezo Italiano ciliègio, ciliègia Tedesco Kirschbaum, Kirsche.

cariàsa , nf: cariaxa, cheràsia, cheriasa, chiriasa, chiriaxa Definizione cheréssia, genia de mata chi faet manna meda (bona fintzes po linna de òpera) e bogat unu frutu tundhitu cun tenaghe longu, de sa mannària de un’olia, cabudàrgiu (primu frutu nou de beranu), de colore orrúbiu craru o fintzes cotu / a/c. sa cariasa (upm) = su frutu; sas cariasas = is matas de sa cariasa / unu romagliete de c. = zenia de trintzilleri (brúnzulu), comente ndhe faghet mescamente sa calidade minuda; cariasa médhighe = a romagliete de duas, a croba; calidades sardas de cariasa: allíngiu, arbagessa, arrúbia, barracochina (barracoca, barracocale, una creze madura e prus durche), carrofali, conca de moru, coru bianca, de ispíritu, de nuxi, marigosa, maurredhina niedha, primaria, tanaxi curtzu, zíngala; ceréxia imbriaga o burda = una creze de cariasa areste (Prunus avium) Sinonimi e contrari carésia, ceràsia / cdh. criaxa Frasi cuss'ortu est postu totu a cariasas ◊ sas cariasas faghent in logu artu e mescamente in umbrinu ◊ su coro meu bolat a tie, Sardigna bella, e a su monte de bidha cun péssighes e ménnulas in fiore e cariasas! 2. at bodhidu una pischedha de cariasa ◊ tra chiriasa e fémina interessat su colore piús de sa dultzura…◊ pro duas cariasas chi si ant manigadu ti arrennegas?! ◊ sa cariasa est irrujendhe ◊ in sa festa una tonaresa est bendhendhe turrone, nuzola, cariasa sica e sèmene de corcuvica 3. acudit sa pisedhina che a sa cariasa Terminologia scientifica mtm, frt, Prunus cerasus Traduzioni Francese cerisier, cerise Inglese cherry-tree, cherry Spagnolo cerezo, cereza Italiano ciliègio, ciliègia Tedesco Kirschbaum, Kirsche.

cariasambriàga , nf Definizione una calidade de cheréssia areste Sinonimi e contrari cerexiabburda, ghinda Terminologia scientifica mtm, frt, Prunus avium Etimo srd. Traduzioni Francese merise Inglese cherry-tree, cherry Spagnolo cerezo silvestre Italiano ciliègio selvàtico, ciliègia bisciolina Tedesco Kirschbaum.

cariasàrju , nm Definizione ortu, logu prantau a cheréssias Frasi si at picau unu cariasarju a frutu parte Etimo srd. Traduzioni Francese cerisaie Inglese cherry orchard Spagnolo cerezal Italiano ciliegéto Tedesco Kirschgarten.

cariasínu , agt Definizione chi est de cheréssia, in colore de cheréssia, che cheréssia / olia cariasina = zenia de olia de cufetu, tundha Sinonimi e contrari arrubiastu, rujastrinu, rujatu, rujonzu / tundhatzu Frasi est bellu cussu pane chin su butone cariasinu in mesu Etimo srd. Traduzioni Francese rouge cerise Inglese cherry red Spagnolo cereza Italiano ciliegiòlo Tedesco Weichselkirsche.

carrafàle , agt, nf: cordofali, corrofale, garrofali Definizione calidade de cheréssia barracochina, matuca meda Sinonimi e contrari cdh. carrafali Modi di dire csn: fàula carrafale = manna meda; poeta carrafale = fentomadu, bonu Frasi sa cariasa areste tenet tenaghe tundhu che a sa carrafale…◊ at collitu ménnula durche e cariasa corrofale 2. talentone, poete carrafale! (P.Casu) Etimo ctl., spn. Traduzioni Francese cerise variété burlat, napoléon Inglese kind of very big cherry Spagnolo garrafal Italiano qualità di ciliègia mólto gròssa Tedesco sehr große Kirsche.

ceresiadàma , nf Definizione genia de mata po bellesa, nada deosi po su frutighedhu orrúbiu cotu ma toscosu chi faet Sinonimi e contrari belladonna 1 Terminologia scientifica frs, Solanum pseudocapsicum Traduzioni Francese pommier d'amour Inglese Jerusalem cherry Spagnolo cerezo de Jerusalen Italiano pómi d'amóre Tedesco Korallenstrauch.

cerexiabbúrda , nf Definizione una genia de cheréssia areste, mata (manna) e frutu Sinonimi e contrari cariasambriaga, ghinda Terminologia scientifica mtm, Prunus avium Traduzioni Francese merisier Inglese wild cherry Spagnolo cerezo silvestre Italiano ciliègia bisciolina Tedesco Vogelkirsche.

uciúva , nf Definizione genia de erba a cambu grussitu e artu fintzes de metro e frutu chi faet (coment'e unu fodhe chi portat aintru una tamatedha tundha, groga candho est cota, bona a papare e ) Terminologia scientifica rbzc, Physalis peruviana. Traduzioni Francese coqueret du Pérou Inglese physalis, peruvian cherry Spagnolo aguaymanto, tomatillo Italiano alchechèngio peruviano Tedesco Kapstachelbeere.