Ditzionàriu in línia
de sa limba e de sa cultura sarda

acrampàda , nf Definition intostada de unu músculu, chi faet a dolore forte Synonyms e antonyms càncara, cancaratzone, grancu, ranchine Etymon srd. Translations French crampe English cramp Spanish calambre, espasmo Italian crampo, spasmo German Krampf.

càncara , nf, nm: càncaru, càncheru, cànchiru, càncuru Definition ateteramentu de is músculos, male chi faet ateterare e intostare is músculos e faet a dolore forte; maladia chi no lassat fàere giogu a is annoigadòrgios; maladia mala (in cobertantza su bonu male) chi s'isterret in sa carena / fai de su cànchiru a s'arràbiu = andhare de male in peus Synonyms e antonyms acrampada, cancaine, cancaratzone, grancu, ranchine / anciulia / afrea, ranchine / càntzeru, cancru Sentences de su càncuru a s'arràbiu pagu est sa diferéntzia ◊ si ti benit càncuru a su piscioni, carasiadhu! 2. su càncaru a sas manos zughet, chi che li est ruindhe totu?! Scientific Terminology mld Translations French crampe, spasme, ankylose English cramp Spanish calambre Italian crampo, spasmo, anchilòsi German Krampf.

gàfa , nf, nm, agt: gafu 2, grafu Definition orrugu de ferru o àteru fatu a cancarrone a parte e àtera po agganciare duas cosas apare; nau de singiale iscritu, una de is paréntisi impreada prus che àteru in matemàtica; fintzes una genia de lóriga chi si ponet a su cambúciu de su mannale acapiau a cadena (o fintzes coment’e trau in bestimentu); aina de su butaju po aferrare is cricos de sa carrada / gafa de fentana = aundi incàsciat sa maneta Sentences apo chircadu de pònnere de acordu totu cussos cordiolos e gafitos de su bustu 3. a su porcu che li est essida sa gafa e andhadu mi ch'est a fora Scientific Terminology ans Etymon ctl. gafa Translations French agrafe, accolade, crampon, griffe English cramp, clip, curly bracket, brace Spanish grapa, corchete Italian graffa, grapa German Klammer, Akkolade, Nasenklammer, geschwungene Klammer.

ranchíne , nm Definition càncaru, dolore forte chi benit a unu músculu chi si càncarat intostandhosi, dolore de s'arruntzamentu de su músculu Synonyms e antonyms acrampada, afrea, cancaine, càncara, cancaratzone Scientific Terminology mld Translations French crampe English cramp Spanish calambre Italian crampo muscolare German Krampf.