Ditzionàriu in línia
de sa limba e de sa cultura sarda

istariàlzu , nm: isteralzu, isteriarzu, osteriàrgiu*, stariàrgiu Definition chie tenit sa staria o pasada po arrecire e pònnere gente furistera a crocare e fintzes po papare Synonyms e antonyms arbergadore Sentences si calchi bolta bufamus binu malu, sa neghe l'at tota s'isteriarzu ◊ in logu sou faghet s'istarialzu Translations French aubergiste English host, hotelkeeper Spanish mesonero, posadero Italian òste, albergatóre German Wirt.

istràgnu , agt, nm: istràngiu, istranzu, stràngiu Definition chi o chie est de fora, de àtera bidha, de àteros logos, mescamente candho si agatat in logu angenu, cun gente angena; chi o chie est de fora ma arreciu in domo de amigos, cun amigos, cun gente connota Synonyms e antonyms afertu, aproviau, foranu, forasteri Idioms csn: zente bon'a istranzu = chi collit, chi acasazat s'istranzu; a istranzinu = che istranzos, coment'e istranzu Sentences sa zente sarda est sugeta, pro lusinga o pro mineta, a istranza segnoria (S.Casu)◊ afusau che póveru pidore, s'istranzu mi at tochedhau sa zanna ◊ o Sardigna, sempri manus istràngias a tirai is filus! ◊ est pitziosu e grai su bíviri in logu allenu de istràngiu ◊ sardos, si mustrant istranzos che a su matzone cambiendhe intinu! ◊ iscampainosí de sa bregúngia de negai pani e binu a s'istràngiu e a su bixinu! ◊ no ti apo mai biu: ite ses, istragnu? 2. oe in domo bi tenzo istranzos e no poto atèndhere a nudha àteru ◊ ndi erriceis istràngius? Surnames and Proverbs prb: inube bi at istranzu, mancari malu, bi est Deus Etymon ltn. extraneus Translations French étranger, hôte English stranger, host Spanish extraño Italian estràneo, òspite German fremd, Gast.

óstia , nf Definition su pane chentza frammentu fatu fine fine, prus che àteru a tira tundha pitichedha po dhu cunsacrare in sa missa e giare a comunione (ma si ndhe faet fintzes a fógiu mannu po dhu pònnere coment'e pígiu de fora a su turrone) Idioms csn: andhare fine chei s'óstia = atentus meda a no fai mali a nemus; èssiri fini che ó. = finedhedhu Sentences no est farra de fai óstias, cussu, no! ◊ tropu fine custu pane: paret óstia! ◊ andha fine chei s'óstia, fizu meu, ca su mundhu est malu e sas peràulas de sos rufianos truncant purpa e ossu! (G.Ruju)◊ s'óstia si sorbet in buca Scientific Terminology prd. Etymon ltn.e Translations French hostie English host Spanish hostia Italian òstia German Hostie.