Ditzionàriu in línia
de sa limba e de sa cultura sarda

bateroghèntos , agt, nm, prn: batoschentos, cuatrugentus Definition bàtoro bortas chentu (in números àrabbos 400, in números romanos CD): coment'e agt. podet cuncordare cun sa genia de su nm. (su camp. no dhu faet) Sentences a sa cabertura bi at chérfidu batoschentas téulas ◊ cussu pastore tenet bateroghentas brebès Etymon srd. Translations French quatre cents English four hundred Spanish cuatrocientos as Italian quattrocènto German vierhundert.

centèna , nf: centina, chentina 1 Definition unos o unas chentu, su tanti de chentu Sentences at comporadu una chentina de fiados ◊ sa bidha nosta unu tempus teniat una centena de burricus Etymon ctl., spn. centena Translations French centaine English hundred Spanish centena Italian centinàio German etwa hundert.

céntu , agt, nm: chentu Definition deghe deghinas, deghe bortas deghe (in números àrabbos 100, in números romanos C): in sardu est su númeru chi si narat po nàrrere própriu medas; podet cuncordare o nono cun su númene chi acumpàngiat candho impare cun unos, unus s'impreat po nàrrere azummai chentu (unas chentas pessones, unas chentu pessones), e cuncordat sèmpere in números cumpostos (dughentas berbeghes, dughentos cadhos, duxentas personas, duxentus cristianus), foras a sa camp.; totu a unu cun àteros numeràrios, si ponet innanti cun mila/miza, ma apustis cun is múltiplos fintzes a noe: chentumiza, dughentos, trexentus; in is cumpostos cun mila/miza sa /s/ de su pl. iscumparit: dughentamiza, duxentumila, chimmeghentamila, otuxentumila / erba de chentu nodos = erbastérria (Polygonum aviculare), erba de centus nuus = survache (Equisetum palustre)/ dare sos chentu a unu = dàreli sos augúrios Sentences si est crepau in centu e un'arrogu ◊ l'at colpidu chentu e unu male ◊ tue faghes chentu e unu machine ◊ a chent'annos cun saludu! ◊ una maladia is féminas teneis: centu ndi bieis e centu ndi amais! (R.Locci)◊ custu piciochedhu una ndi pensat e centu ndi fait! 2. semus contendhe a chentu a chentu ◊ de custus butiglionis ndi tengu una pariga ’e centus ◊ Bodale ch'est in sos chentu! ◊ pro fàghere cussa faina no bi at bisonzu de èssere in chentu! Surnames and Proverbs prb: de una fiza ndhe cheret chentu bènneros ◊ unu babbu pesat centu fígios e centu fígios no càstiant unu babbu Etymon ltn. centum Translations French cent English a hundred Spanish ciento, cien Italian cènto German hundert, Hundert.

centumíla , agt, nm: chentumiza Definition chentu bortas milli Translations French cent mille English a hundred thousand Spanish cien mil Italian centomila German hunderttausend, Hunderttausend.

centuplicài, centuplicàre , vrb Definition pònnere o fàere a chentu bortas tanti Translations French centupler, décupler English to multiply by a hundred Spanish centuplicar Italian centuplicare German verhundertfachen.

chimbeghèntos , agt, nm: chimbighentos, chimmeghentos, cimmexentos, cincuxentus, tzincughentus Definition cincu bortas centu (in númerus àrabbus 500, in númerus romanus D): coment'e agt. cuncordat cun su nm. (ma no a sa campidanesa) Sentences bi at àere àpidu nessi chimbighentas pessones ◊ Giuanni bellu e forti… cincuxentus feridas e setixentus mortis!◊ tegno chimmeghentas brebès Etymon srd. Translations French cinq cents English five hundred Spanish quinientos Italian cinquecènto German fünfhundert.

duaxèntos , agt, nm: duchentos, dughentos, dujentos, durgentus, duxentus Definition duas bortas chentu (in números àrabbos 200, in números romanos CC): si est agt. cuncordat in sa genia cun su nm. (ma no a sa camp.) Sentences tenet dughentas berbeghes ◊ bi cheret dughentas dies ◊ custa domo tenet dughentos annos ◊ nci iant bufau prus de duxentus càscias de cosa (I.Murgia) Etymon ltn. ducentos Translations French deux cents English two hundred Spanish doscientos Italian duecènto German zweihundert, Zweihundert.

otighèntos , agt, nm: otochentos, otoghentos, otoxentos, otugentus, otuxentus Definition oto bortas chentu (in números àrabbos 800, in números romanos DCCC): coment'e agt. podet cuncordare cun su nm.; o. bortas mila = otighenta miza, otoghenta mila, otuxentu mila Etymon srd. Translations French huit cents English eight hundred Spanish ochocientos Italian ottocènto German achthundert.

sescèntus, seschèntos , agt, nm: sessentos Definition su tante de ses bortas chentu (in números àrabbos 600, in números romanos DC): coment'e agt. podet cuncordare a su nm. Sentences che at coladu seschentos annos ◊ travàglio de prus a gherrare chin custas duas féminas chi no a pastoricare sas seschentas erveches de sa gama! ◊ candu nci cabànt intrendu me is gàbbias de is ascensoris su coru dhis tremàt e non teniant assébiu in cussus paravundus a sescentus metrus asuta de terra! Etymon ltn. sescentos Translations French six cents English six hundred Spanish seiscientos Italian seicènto German sechshundert.

setechèntos, seteghèntos, setejèntos , agt, nm: setighentos, setixentus Definition su tanti de sete bortas chentu (in números àrabbos 700, in números romanos DCC) Etymon srd. Translations French sept cents English seven hundred Spanish setecientos Italian settecènto German siebenhundert.

trecèntos, trechèntos , agt, nm: tregentos, tregentus, treghentos, trejentos, trexentus Definition tres bortas chentu (in números àrabbos 300, in números romanos CCC): coment'e agt. podet cuncordare cun su nm. Sentences tenet trechentas berbeches ◊ si podiat bendi po trexentus munedas de prata ◊ no teniat abbisóngiu de is trexentus francus ◊ in treghentos annos cantu ndh'as bistu passandho in cue mannos e pitios! Etymon ltn. trecentos Translations French trois cents English three hundred Spanish trescientos Italian trecènto German dreihundert.