irbórtu , nm, nf: isboltu,
isvolta,
isvoltu,
isvortu Definition
su chi capitat chentza dhu bòllere (fintzes dannu) e chi impedit de fàere calecuna cosa; cambiamentu de idea, de decisione
Synonyms e antonyms
aggantzu,
arresciu,
ilvàriu,
intopu,
istorru,
isdrobbu,
scroebba
Sentences
ti apo a dare sa paza cun su ranu bastet chi no mi fetas un'isboltu (A.Dettori)◊ un'isboltu ebbia mi podet impedire de mi cojare cun tegus: sa morte! ◊ un'isboltu, una briga e no si cojant prus! ◊ un'isvolta podet èssere una gràssia ◊ no ascurtes sas limbas, si calicunu ti est ponendhe isvortu! ◊ beneitu apo s'ora, bene meu, e chie at postu istrobbos e irbortos (C.Buttu)
Etymon
srd.
Translations
French
contretemps,
adversité,
changement d'avis
English
mishap,
reflection
Spanish
contratiempo,
reflexión
Italian
contrattèmpo,
avversità,
ripensaménto
German
Zwischenfall,
Ungunst,
Meinungsänderung.
malasagúra, malasaúra, malascigúra , nf: malassagúria,
malesagura,
malesaura,
malessagúria,
malisaura Definition
dannu o male chi si faet chentza dhu bòllere, po paga atentzione o pagu incuru / fàghere una cosa (dannu) de m. = pro dibbarda (ctr. abbidamente)
Synonyms e antonyms
dibbarda,
digràtzia,
disagura,
malasorte,
malavadhia
/
disatentzione
Sentences
sa broca l'apo segada ca mi est ruta de malesaura ◊ càstia custus piciochedhus cun su motorinu trucau: poi candu si arrogant sa conca est malascigura!…◊ custa poesia est revéntia gosi po malasagura ◊ pro ciascu mi l'as fatu o pro malesaura t'est costadu?
Translations
French
disgrace,
malheur,
malchance
English
mishap
Spanish
desgracia
Italian
disgràzia
German
Versehen.