Ditzionàriu in línia
de sa limba e de sa cultura sarda

apipiàda , nf Definition passada de calecuna cosa a frigadura Synonyms e antonyms pinzellada Sentences mi seu donada una bella apipiada de crema ◊ a sa linna dhi apu donau un'apipiada de vernissu (M.A.Cappai) Translations French coup de pinceau English painting Spanish pincelada Italian spennellata German Anstrich.

illatónzu , nm Definition su passare su late de sa crachina (o àteru) a is muros Synonyms e antonyms illatadura, illatinadura, imbarchinamentu, intuniconzu, tuniconzu Sentences eteus s'illatonzu chi mi at fatu: at dadu una cadrassada a sos muros e li at bogadu de cabu! (G.Ruju)◊ a s'intrada de su beranu faghimus s'illatonzu de sos aposentos Etymon srd. Translations French badigeonnage English painting Spanish enjalbegado Italian tinteggiatura German Anstreichen.

imbarchinadúra , nf Definition su imbarchinai Synonyms e antonyms illatadura, illatonzu, intonicada, tunicadura Etymon srd. Translations French peinture, badigeonnage English painting Spanish enjalbegado Italian imbiancatura German Anstreichen.

píntu , agt, pps, nm Definition chi est fatu a pintura (fintzes solu chi giughet colores diferentes, cacarru, chentriadu, pintuinu); de pintare; cosa pintada, sa figura pintada: su pintu pintu est sa parte méngius de una cosa (mescamente de papare) Synonyms e antonyms pintadu, pintogadu / pintura Idioms csn: fàghere sos pintos, su pintu = fai cosa istentosa, de fai atentzioni meda; fai su pintu pintu = fàghere su bellu a cara, cun ccn., e nàrrerendhe male cun àtere; no poder bídere a unu mancu pintu = mancu in frigura, no lu poder bídere tichedhu; èssere lintu e pintu un'àteru = assemizàresi própiu meda; su bremmi p. = tilingrone de terra (es. sa gremedha = bremibintus) Sentences su fizu est lintu e pintu su babbu ◊ sunt duos frades chi si assemizant pari pari, lintos e pintos ◊ bido sa bidha mia che pinta subra de s'ata de s'orizonte 2. su ritratu chi ànghelos ant pintu ◊ giughet sas alas pintas che arcu de chelu bellas ◊ in oxos si li est pinta s'amargura 3. ses che pintu divinu, rosa nobella! ◊ oe apo a deper fàere su pintu… no tèngio mancu filóngiu! Surnames and Proverbs smb: Pintu, Pintus Etymon ltn. pinctus Translations French peint, peinture, tableau English painting, painted Spanish pintado Italian dipinto German gemalt, bemalt, Gemälde.

pintúra , nf: pitura Definition css. frigura fata a pinzellu o àtera aina, o fintzes css. cosa o persona bella meda Synonyms e antonyms pintu Idioms csn: acontzare una p. = torràrela coment'e noa, a comente fit innantis de s'irbiarire o de si derrúere; p. càrriga = cun colores cotos; p. sighida = de totunu andhare, parívile Sentences su beranu mastru ’e sa pintura mudat a festa s'universu intreu (R.Bechere)◊ custa pintura fit unu fundhu chi variaiat dae biancu a colore de chelu e de terra grogantza ◊ cussa piciochedha est bella chi parit una pintura ◊ sa filla fiat bella che pintura ma a su rei no dhi fadiat prexeri Etymon ctl., spn. Translations French peinture, tableau English painting, picture Spanish pintura Italian pittura, dipinto German Gemälde, Bild.

vernissadúra , nf Definition su pònnere o frigare sa vernice Etymon srd. Translations French vernissage English painting Spanish barnizado Italian verniciatura German Anstreichen.