Abbreviations Legenda | Symbols Legend

arregalài, arregalàre , vrb: regalai Definition fàere su presente, giare arregalos, donos, giare cosa in donu / a s'arregalai, chi s'arregalit! = a istare bene, cun saludu, a si tènnere contu!: zenia de augúriu chi si faghet o chi si mandhat cun àtere Synonyms e antonyms dae 1, donai 2. dèu mi ndi seu andendi: arregalaisí! ◊ chi si arregalit meda, naradhi, a coru miu istimau! ◊ candho dhu bies, chi si arregallet! Translations French offrir English to present Spanish regalar Italian regalare German schenken.

arregàlu , nm: erregalu, regalu Definition cosa chi si giaet a unu in donu po dhi fàere praxere, po dhi ammostare istima, po agiudu e àteru Synonyms e antonyms bríssia, dàdiva, donu, presente Sentences is arregalos fiant de oro e de prata e calencunu dh'iat giau fintzas àteru ◊ sos nonnos faent arregalos a sos fizolos Translations French cadeau English present Spanish regalo Italian regalo German Geschenk.

presentàe, presentài, presentàre , vrb: apresentare Definition essire, bènnere, cumpàrrere ananti, batire, portare a denanti de unu, de gente, a manera de si pòdere bíere, connòschere, ischire, intèndhere o àteru (nau fintzes de dimandhas, paperis chi si portant o mandhant a un'ufíciu po calecunu dovere); foedhare de ccn. o de calecuna cosa a manera de dha fàere a connòschere Sentences ti mi ses in su sonnu presentadu ◊ iscadint sas domandhas de presentae Translations French présenter, apparaître English to present, to introduce Spanish presentar Italian presentare German vorstellen, darstellen, einreichen.

presènte , nm: presenti 1 Definition sa cosa chi si portat e si giaet in donu a ccn. Synonyms e antonyms dàdiva, donu, regalu Sentences parentes e amicos a su pride nobu li ant zutu su presente ◊ is tres gurreis portànt presentis de mirra, incensu e òru ◊ funt pretendentis arricus, prenus de presentis ◊ custu est su presente pro bois chi mi at dau sa Pioressa Translations French cadeau English present Spanish regalo, presente Italian dóno German Geschenk.

presènte 1, presènti , nm, agt Definition nau de tempus (e impreau prus che àteru coment'e avb.), como, custu mamentu, is tempos de como; chi dhu'est / a caras presentes = in cara, ananti de sa persona interessada Synonyms e antonyms | ctr. passadu / ausente Sentences a su presente de cussa robba no che ndhe tenzo ◊ unu presente diversu aisti chérfidu connòschere! Etymon ltn. praesente(m) Translations French présent English present Spanish presente Italian presènte German Gegenwart, anwesend.

regalài, regalàre , vrb: arregalai* Definition fàere su presente, giare regalos, donos, giare cosa in donu / a si regalare! = a si tènnere contu: zenia de saludu Synonyms e antonyms dae 1, donai, giai 2. regaladiche!, regaladebboche! ◊ regaladí, già bides chi mi ndhe andho! ◊ pixadu ti as sas alas sentza mi nàrrere mancu "A ti regalas!" (P.Cherchi) Translations French faire cadeau English to make a present Spanish regalar Italian regalare German schenken.

«« Search again