Ditzionàriu in línia
de sa limba e de sa cultura sarda

aggrighidhài , vrb Definition portare sa carena avolotada, treulada po arrennegu, tzacu, dispraxere forte Sentences candu cudha at pigau unu palanchinu po dh'iscudi si dhi fut aggrighidhau su sàmbini Translations French trembler English to quiver Spanish bullir, vibrar Italian frèmere German beben.

stracàsciu , nm: istracassu*, strecàsciu Definition genia de taschedha: istúgiu tundhu e longu, de pedhe, fatu a bestire in codhos (po chistire is launedhas); nau de unu, piticu e légiu de carena, pagu crabbosu in su fàere: si narat fintzes in su sensu de mannu meda; fintzes cosa stracasciada, iscosciada Synonyms e antonyms carcassu, giarcassu Sentences si fut postu a isceberai is launedhas aintru de su stracàsciu prenu de tumbus, mancosas e viudas 2. fiat un'ómini coment'e is atrus… unu stracàsciu mannu, grussu, cun sa faci manna, mancu bellu Translations French carquois English quiver Spanish carcaj, aljaba Italian turcasso, farètra German Köcher.

tremuài , vrb: tremulai, tremulare, trimulare Definition trèmere pagu pagu, trèmere totu (po timoria, debbilesa, àteru) Synonyms e antonyms trèmere, trinicare Sentences is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe Etymon ltn. tremulare Translations French trembler English to quiver Spanish temblar, estremecerse Italian tremolare German zittern.