Legenda Incurtzaduras | Legenda Sìmbulos

aggrighidhài , vrb Definitzione portare sa carena avolotada, treulada po arrennegu, tzacu, dispraxere forte Frases candu cudha at pigau unu palanchinu po dh'iscudi si dhi fut aggrighidhau su sàmbini Tradutziones Frantzesu trembler Ingresu to quiver Ispagnolu bullir, vibrar Italianu frèmere Tedescu beben.

stracàsciu , nm: istracassu*, strecàsciu Definitzione genia de taschedha: istúgiu tundhu e longu, de pedhe, fatu a bestire in codhos (po chistire is launedhas); nau de unu, piticu e légiu de carena, pagu crabbosu in su fàere: si narat fintzes in su sensu de mannu meda; fintzes cosa stracasciada, iscosciada Sinònimos e contràrios carcassu, giarcassu Frases si fut postu a isceberai is launedhas aintru de su stracàsciu prenu de tumbus, mancosas e viudas 2. fiat un'ómini coment'e is atrus… unu stracàsciu mannu, grussu, cun sa faci manna, mancu bellu Tradutziones Frantzesu carquois Ingresu quiver Ispagnolu carcaj, aljaba Italianu turcasso, farètra Tedescu Köcher.

tremuài , vrb: tremulai, tremulare, trimulare Definitzione trèmere pagu pagu, trèmere totu (po timoria, debbilesa, àteru) Sinònimos e contràrios trèmere, trinicare Frases is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe Ètimu ltn. tremulare Tradutziones Frantzesu trembler Ingresu to quiver Ispagnolu temblar, estremecerse Italianu tremolare Tedescu zittern.

«« Torra a chircare