Legenda Incurtzaduras | Legenda Sìmbulos

arpilàre , vrb: aspilare, elpilare, orpilare, urpilare* Definitzione artudhare, fàere ateterare su pilu in sa carena, pònnere sa tzudha de s'apantàviu, de s'assíchidu, o fintzes de s'umidore Sinònimos e contràrios altudhare, arpilire, assunciudhai, astriare, istriare 1 Frases de fronte a totu cussos animales si arpileit e ndhe resteit disgustadu ◊ titillias de fritu mi arpilant sa carena Tradutziones Frantzesu frissonner Ingresu to shudder Ispagnolu estremecerse Italianu rabbrividire Tedescu schaudern.

impriutzài , vrb Definitzione fàere atzudhare is pilos, pònnere sa tzudha, intrare su fritu de s’assíchidu, de sa timoria Sinònimos e contràrios aciuciudhae, apriutzai, altudhare, altudhire, arpilare, assunciudhai, aturtudhire, atzultzudhare, impilurtzai Tradutziones Frantzesu frissonner Ingresu to shudder Ispagnolu estremecerse Italianu rabbrividire Tedescu schaudern.

tremuài , vrb: tremulai, tremulare, trimulare Definitzione trèmere pagu pagu, trèmere totu (po timoria, debbilesa, àteru) Sinònimos e contràrios trèmere, trinicare Frases is istedhus trémuant impari e faint su babbaluxi ◊ aiant fatu a tempus a si che pigare a su mesu sostru tremulàndhesi che canna ◊ mi paret chi sa pitzinna apat fritu: si est tota tremulendhe ◊ che unu tilipedhe bolidendhe trímulat in chirca de sa essida (S.Baldino)◊ apenas chi sas palas at giradu, Sant'Antoni!, ndhe trímulo che canna: pariat unu cane arragioladu! ◊ bi ndh'at chi cantendhe faghent tremulare sa boghe Ètimu ltn. tremulare Tradutziones Frantzesu trembler Ingresu to quiver Ispagnolu temblar, estremecerse Italianu tremolare Tedescu zittern.

tremutíre , vrb Definitzione trèmere meda, a forte, che a candho faet terremotu Sinònimos e contràrios trèmere Frases su terrinu at tremutidu Tradutziones Frantzesu sursauter Ingresu to give a start Ispagnolu estremecerse, moverse Italianu sussultare Tedescu zusammenfahren.

«« Torra a chircare