Ditzionàriu in línia
de sa limba e de sa cultura sarda

cabertúra , nf, nm: capirtura, cobeltura, cobertura, coberturu, crabatura, crabaturi, crabetura, crabitura, crebetura, crobetua, crobetura, crobitura, cubertura Definition de una domo o de css. fràigu, sa parte in pitzu de totu, sa chi serbit a carragiare, acabbare sa domo in pitzu / donniuna de is àcuas de una crabetura: apagnada; su tretu prus artu de una cabertura a duas abbas, totu de longu: cristale, ischina, rundha; sa c. podet èssere a una, a duas, a tres, a bàtoro abbas; iscuguzare sa c. = leàrendhe sa téula Synonyms e antonyms coberta, teulada / cdh. cupaltura, ttrs. cabirtúria Sentences sa domo ch'est belle e agabbada, petzi bi mancat sa cabertura ◊ est torradu su nie: sunt biancos sos coberturos, sos carrelos ◊ sa cabertura nostra est cuguzada a téula ◊ sa cobertura de cussa domo est a duas abbas ◊ cussu est bulione chi ndhe betat sas cuberturas ◊ in sa capirtura de sa domo sua at cantatu s'istria ◊ che pisitu arrabiau bobit a crabetura!◊ si bis, sa crobetura de tzia Rosa est fadendi àcua de dogna téula! ◊ apu arrangiau sa domu e fatu sa crabetura de cimentu Scientific Terminology dmo Etymon srd. Translations French toit English roof Spanish techo Italian tétto German Dach.

lògia , nf: lolla, loxa, loza Definition genia de aprigu fora de domo fatu a puntedhos o fintzes a muru, giai sèmpere apertu a una parte, ammontau prus che àteru a sida, po pònnere animales, linna, trastos bècios; in is domos, prus che àteru est unu tretu ananti a sa parte de su cortile, a pilastros, acostiu a sa domo, ammontau che a totu sa domo, una genia de pórciu / domu cun lolla e cun funtana in pratza… = nadu de chie si cret meda, pro lu leare in ziru, a befe, creschindhebbila Sentences sunt a briga che pedulianos in loza ◊ in tempus malu sas berbeghes las poniant in sa loza ◊ sunt linnandhe pro prènnere lògias e linnàrgios Surnames and Proverbs smb: Loggia, Loggias, Logia, Logias Etymon itl. loggia Translations French galerie English arcade, roof Spanish pórtico Italian tettóia, loggiato German Schuppen, Laubengang.

mendhadòre , nm Definition su maistu chi mendhat o acònciat teuladas Etymon srd. Translations French couvreur English roof mender Spanish techador Italian conciatétti German Dachdecker.

teulàda , nf: teulara Definition in sa domo o in css. fràigu, sa parte de pitzu, sa prus in artu, chi ammontat totu, fata a téula (o àteru materiale)/ genias de t.: a una, a duas abbas; partes de una teulada a duas abbas: pagnada (donniuna de is duas abbas) e schina o rundha (su tretu prus artu, totu de longu); ghetai t. = pònnere o fàghere sa cabertura; furriai parti a sa t. = cambiare totu sa téula Synonyms e antonyms cabertura Sentences sa coghina fut a teulada, soleta de cimentu no ndhe faiant ◊ murus isciorrocaus, ventanas sentza de portellitus, istampus in sa bòvida e in sa teulada: nudha est prus in pei in cussa domu (P.Alcioni) Scientific Terminology dmo Etymon ctl. teulada Translations French toit English roof Spanish techo, tejado Italian tétto German Dach.