Ditzionàriu in línia
de sa limba e de sa cultura sarda

àpiu , nm Definition genia de erba de diferentes calidades, de fragu e sabore forte, chi si prantat e faet a fògias (crostas) grussas, bonu po minestrone e, si est modhe, po insalada o fintzes a papare chentza cundhiu Synonyms e antonyms sèllaru Scientific Terminology rbzc, Apium graveolens Translations French céleri English celery Spanish apio Italian sèdano German Sellerie.

arrosàdulu , nm Definition àpiu de cuadhus, una genia de erba bona a cundhimentu puru Synonyms e antonyms alisandru, apiuguadharu, chirielle, liriandru, lisau, lisiardu, maceroni, orrusadu Sentences sa folla de s'arrosàdulu s'imperàt meda po mundai su forru Scientific Terminology rba, Smyrnium olusatrum Translations French maceron English alisanders, horse parsley Spanish apio caballar Italian maceróne German Alisander.

cugúsa , nf Definition àpiu burdu o de arriu, una calidade de àpiu chi creschet a sola in logos de abba, bonu a papare Synonyms e antonyms apiubburdu, atigusa, giúguru, giuru, turgusone, tzurgusa Scientific Terminology rbz, Apium graveolens Translations French ache English celery Spanish apio silvestre Italian sèdano palustre German Merk.

cugúsa 1 , nf Definition lau de arriu o de cuadhus, o fintzes martutzu de cuadhus: genia de erba chi assimbígiat unu pagu a s'àpiu, e po cussu dhu narant àpiu de arriu puru, ma portat su cambu tuvudu, a canna, e creschet in is errios, in logu de abba meda: est bona a papare Synonyms e antonyms giúguru 1, giuru 1, tirgusa Scientific Terminology rbz, Apium nodiflorum Translations French cannelier English kind of grass Spanish apio nodoso Italian èrba cannèlla German knotenblütige Sellerie.

giúguru , nm Definition àpiu burdu o de arriu, una calidade de àpiu chi creschet a sola in logos de abba Synonyms e antonyms apiubburdu, atigusa, cugusa, giuru, turgusone, tzurgusa Scientific Terminology rba, Apium graveolens Translations French céleri English celery Spanish apio silvestre Italian sèdano palustre German Knotenblütige Sellerie (est su "graveolens" e no su "nodiflorum").

giúru , nm Definition àpiu burdu o de arriu, una calidade de àpiu chi creschet a solu in logos de abba Synonyms e antonyms apiubburdu, atigusa, cugusa, giúguru, turgusone, tzurgusa Sentences candho torrat beranu, a rampos mannos at a brotare su giuru ◊ sa sogra, si a ti dare unu basu bi arrivat, ti lassat fritu peus de su giuru (P.Masia)◊ s'abba fit riendhe in lascinzos e brinchitendhe in tzurumbas, giuru e crabuvigu Scientific Terminology rba, Apium graveolens Translations French céleri English celery Spanish apio silvestre Italian sèdano palustre German Knotenblütige Sellerie (est su "graveolens" e no su "nodiflorum").

lisàndru , nm: alisandru, lisciandru, lixandru Definition àpiu de cuadhus, una genia de erba bona po cundhimentu puru Synonyms e antonyms apiuguadharu, arrosàdulu, chirielle, liriandru, lisau, lisiardu, maceroni, orrusadu / cdh. laoni Scientific Terminology rba, Smyrnium olusatrum Etymon ltn. (h)olusatrum Translations French maceron English alisanders, horse parsley Spanish apio caballar Italian maceróne German Alisander.

sèllare , nm: sèllaru, sèllere Definition genia de erba de diferentes calidades, de fragu e sabore forte, chi si prantat e faet a fògias grussitas, a crosta longas, bonu po minestrone, si est modhe po insalada o fintzes po papare chentza cundhiu Synonyms e antonyms àpiu / ttrs. sèllari Sentences como chi mi so fatu ortulanu tenzo fustinaja, aligarza, chibudhita, sèllaru biancu, porru e napa, càula a fiore ◊ apo buscadu prantaza de sèllere e mi ndhe ponzo unu surcu Scientific Terminology rbzc, Apium graveolens Etymon itl.t. sèllaro Translations French céleri English celery Spanish apio Italian sèdano German Sellerie.