Ditzionàriu in línia
de sa limba e de sa cultura sarda

àpiu , nm Definizione genia de erba de diferentes calidades, de fragu e sabore forte, chi si prantat e faet a fògias (crostas) grussas, bonu po minestrone e, si est modhe, po insalada o fintzes a papare chentza cundhiu Sinonimi e contrari sèllaru Terminologia scientifica rbzc, Apium graveolens Traduzioni Francese céleri Inglese celery Spagnolo apio Italiano sèdano Tedesco Sellerie.

arrosàdulu , nm Definizione àpiu de cuadhus, una genia de erba bona a cundhimentu puru Sinonimi e contrari alisandru, apiuguadharu, chirielle, liriandru, lisau, lisiardu, maceroni, orrusadu Frasi sa folla de s'arrosàdulu s'imperàt meda po mundai su forru Terminologia scientifica rba, Smyrnium olusatrum Traduzioni Francese maceron Inglese alisanders, horse parsley Spagnolo apio caballar Italiano maceróne Tedesco Alisander.

cugúsa , nf Definizione àpiu burdu o de arriu, una calidade de àpiu chi creschet a sola in logos de abba, bonu a papare Sinonimi e contrari apiubburdu, atigusa, giúguru, giuru, turgusone, tzurgusa Terminologia scientifica rbz, Apium graveolens Traduzioni Francese ache Inglese celery Spagnolo apio silvestre Italiano sèdano palustre Tedesco Merk.

cugúsa 1 , nf Definizione lau de arriu o de cuadhus, o fintzes martutzu de cuadhus: genia de erba chi assimbígiat unu pagu a s'àpiu, e po cussu dhu narant àpiu de arriu puru, ma portat su cambu tuvudu, a canna, e creschet in is errios, in logu de abba meda: est bona a papare Sinonimi e contrari giúguru 1, giuru 1, tirgusa Terminologia scientifica rbz, Apium nodiflorum Traduzioni Francese cannelier Inglese kind of grass Spagnolo apio nodoso Italiano èrba cannèlla Tedesco knotenblütige Sellerie.

giúguru , nm Definizione àpiu burdu o de arriu, una calidade de àpiu chi creschet a sola in logos de abba Sinonimi e contrari apiubburdu, atigusa, cugusa, giuru, turgusone, tzurgusa Terminologia scientifica rba, Apium graveolens Traduzioni Francese céleri Inglese celery Spagnolo apio silvestre Italiano sèdano palustre Tedesco Knotenblütige Sellerie (est su "graveolens" e no su "nodiflorum").

giúru , nm Definizione àpiu burdu o de arriu, una calidade de àpiu chi creschet a solu in logos de abba Sinonimi e contrari apiubburdu, atigusa, cugusa, giúguru, turgusone, tzurgusa Frasi candho torrat beranu, a rampos mannos at a brotare su giuru ◊ sa sogra, si a ti dare unu basu bi arrivat, ti lassat fritu peus de su giuru (P.Masia)◊ s'abba fit riendhe in lascinzos e brinchitendhe in tzurumbas, giuru e crabuvigu Terminologia scientifica rba, Apium graveolens Traduzioni Francese céleri Inglese celery Spagnolo apio silvestre Italiano sèdano palustre Tedesco Knotenblütige Sellerie (est su "graveolens" e no su "nodiflorum").

lisàndru , nm: alisandru, lisciandru, lixandru Definizione àpiu de cuadhus, una genia de erba bona po cundhimentu puru Sinonimi e contrari apiuguadharu, arrosàdulu, chirielle, liriandru, lisau, lisiardu, maceroni, orrusadu / cdh. laoni Terminologia scientifica rba, Smyrnium olusatrum Etimo ltn. (h)olusatrum Traduzioni Francese maceron Inglese alisanders, horse parsley Spagnolo apio caballar Italiano maceróne Tedesco Alisander.

sèllare , nm: sèllaru, sèllere Definizione genia de erba de diferentes calidades, de fragu e sabore forte, chi si prantat e faet a fògias grussitas, a crosta longas, bonu po minestrone, si est modhe po insalada o fintzes po papare chentza cundhiu Sinonimi e contrari àpiu / ttrs. sèllari Frasi como chi mi so fatu ortulanu tenzo fustinaja, aligarza, chibudhita, sèllaru biancu, porru e napa, càula a fiore ◊ apo buscadu prantaza de sèllere e mi ndhe ponzo unu surcu Terminologia scientifica rbzc, Apium graveolens Etimo itl.t. sèllaro Traduzioni Francese céleri Inglese celery Spagnolo apio Italiano sèdano Tedesco Sellerie.