Ditzionàriu in línia
de sa limba e de sa cultura sarda

agúri , nf Definition sa timona de s'arau, sa punta chi intrat in s’ajone de su giuale / s'istampa inue in s'a. si intrat sa carícia o crabiga = incariciadroxu Synonyms e antonyms amburja, bure* Sentences chini iscít si eus a torrai lea abbrancaus a is aguris, conca a terra? Translations French age English beam (plough) Spanish cama Italian bure German Pflugsterz.

ambúrja , nf Definition sa timona de s'arau, sa chi intrat in s’ajone de su giuale Synonyms e antonyms aguri, bure / timona Translations French age English beam (plough) Spanish cama Italian bure German Pflugsterz.

isprúnza , nf: ispundha, ispunza, spunda Definition is oros de su letu Etymon ltn. sponda Translations French bord du lit English edge (of a bed) Spanish borde, orilla de la cama Italian spónda del lètto German Bettkante.

letixédhu , nm Definition min. de letu, letu minore e fintzes brasciolu Synonyms e antonyms letinu Translations French petit lit, lit d'enfant English small bed, cradle Spanish cama pequeña Italian lettino, lettùccio German Bettchen.

létu , nm Definition trastu de domo fatu aposta po crocare; css. isterrimentu po crocare, fintzes de sida, siat po gente e siat po animales; genia de sacu inue si format e istat su fedu fintzes a naschire / partes de su letu: cabitana, cabita o conca, peana, rete, pes, matalafu o banita, lentzolos, ammontu o cuguzura (burra, manta, fàuna); genias de letu po sa mannària: de una piatza (letixedhu, letinu), de piatza e mesa, de duas piatzas Idioms csn: corcare, intrare a l.; fàghere su letu, sos letos = torrare a pònnere bene sa cuguzura apustis pesados; aposentu de letu = istàntzia de corcare; l. de su carru = su fundhu de su carru fatu a taulones; l. de su binu = sa fexi, sa fundhana; l. de riu = s'iscaravossu inue istat o curret s'abba de sos rios; torrai de letu a istoja = torrare in bisonzu; anzena de l. (nau de fémina)= fancedha; pònnere in l., pònnere o istare in tàulas de l. = istrupiai, surrai a meda de pònniri istrupiu, èssiri in letu malàdius; èssere totu a unu letu = totu malàidos a una fasche; adoràresi su l. = abarrai crocaus in letu sentza de bisóngiu; no mi ch'est rutu dae su l. = no est parenti custrintu, no mi est nudha po dhi dèpiri donai cosa Sentences teniat sa màgini de Nostra Sinniora apicada in conca de letu ◊ eo mi aia fatu contu mannu chi ocannu mi devia cogiuare e como chi fit cussu s'isetu no ap'orzu e ne fémina e ne letu! ◊ iat agatau sa pipia corcada in su letu 2. no mi ch'est mancu rutu dae su letu, no, pro li fàghere cussu piaghere! ◊ giamàdemi dutores de profetu a curare sos males chi mi agabbant in tàulas de letu ◊ su pastore teniat su bestiàmene totu a unu letu ca dh'iant fatu ogu malu Surnames and Proverbs prb: letu caldu domo frita ◊ chie dormit in letu anzenu no dormit cantu cheret Scientific Terminology mbl Etymon ltn. lectus Translations French lit English bed Spanish cama Italian lètto German Bett.

pabagliòne , nm: pabiglione, pabilloni, papaglioni, papallioni, papalloni, papiglione, papillone, parpallione Definition genia de tendha chi ponent a inghíriu de su letu e fintzes su chi pigant in bàtoro po bogare su Santíssimu in crufessone: su pabiglione est a logos una coberta de lana, ammontu grussu po letu Synonyms e antonyms inghiriabetu, papigione / impàliu, subacélu Sentences fit de cudhos letos cun su pabaglione trabagliadu ◊ apo agatadu a chirriolos tramata cun pabaglione ◊ su batulinu est gioghendhe cun sas frunzas de su pabaglione ◊ asuta de pabilloni a ginefras de òru Maria giumpat su mari 2. bi aimus pabigliones, màntuas e fressadas Etymon ctl., spn. papalló, pabellón Translations French rideaux du lit English bed-curtains Spanish cortinaje de la cama Italian cortinàggio del lètto German Bettvorhang.

pínniche , nm: pínnige, pínnighe, pínnighi, pínnigi, pínnixe, pínnixi, prínnige, prínnighe Definition genia de bobboitedhu minudu chi suspit su sàmbene de is animales / pínnixi de mata = capita, babbautzu birde, púdidu; pínnixi de mari = genia de animaledhu croxiu a dóighi cambas (galathea strigosa) chi is piscadores narant puru scorpioni, segadirus Synonyms e antonyms chímighe, chínniche, corosta, pinni, rulta Sentences immoi in custa barraca no podit mancai su pínnighi aresti ◊ sa carrotza fiat prena de pínnighe Scientific Terminology crp, cimex lectularius Etymon srd. Translations French punaise English bug Spanish chinche de cama Italian cìmice German Bettwanze.