Abbreviations Legenda | Symbols Legend

calanzàda , nf: canangiada, cananzada Definition in is camminos de su sartu, tretu inue comente apàulat s'abba sa terra abbarrat modhe modhe e a dhue passare unu che afundhat fintzes si in pitzu no si paret Synonyms e antonyms ludugógiu, maldangiada Sentences in cussu caminu bi at cananzadas e tocat a colare ororu ◊ apo connotu cananzada de che afungare sos boes a bentre! ◊ colandhe in d-una cananzada si at illudriadu botinos e cambales Etymon srd. Translations French flaque vaseuse English slimy puddle Spanish charco Italian pozzànghera melmósa German Pfütze.

foghína , nf: fogina, foxina, fuxina Definition forada, fossu de abba e ludu inue s'imbuscinant is procos; fintzes cuadórgiu e crocadórgiu de animales Synonyms e antonyms fangàriu, fògia 1 / acubiladorju, boada 1, cuadorzu Idioms csn: crocare a foghina (nadu de zente)= in medas totu paris in terra, comente si faghet in campu; mòrrere a foghina = aira, a muntones, a fasche; cordolinu a fogina = antunna a meda essida totu paris a mola in su matessi tretu, a tuedha, unu bàlliu Sentences su sirboni essit de sa foxina po currullari in padenti ◊ furint postos a conca e a pes coment'e prochedhos a foghina 2. no isciu prus e uba m'intanai, immoi biu e non biu una foxina e intendu s'addólimu de s'erba istrumpada…◊ totu sos muscadorzos e foghinas ischit de sos buscos e serragos (B.Sulis)◊ sa mardi s'at istérriu sa fuxina ca depit angiari 3. dhue at calidade de cordolinu chi faet a foginas ◊ unu tempus de su mummurzolu moriant a foghinas e totus fiant ispaurigaos ◊ mi ant ispérdiu una fuxina de cracangiola fendi cussu trabballu Etymon srd. Translations French flaque English puddle Spanish charco Italian pozzànghera German Pfütze.

lacuèdha , nf, nm: lecuedhu Definition lurtzina, abba apaulada, isciustura Synonyms e antonyms lacone, lacuina, làcuna, lazu, paulata, paule, tónchine Sentences seu spricuendi su sciampitai allirgu de una piga aintru de una lacuedha Etymon srd. Translations French flaque English puddle Spanish charco Italian pozzànghera German Pfütze.

lacuína , nf Definition forada, fossighedhu prenu de abba chi si agatat in is orrugas candho proet, madrina Synonyms e antonyms lacona, lacuedha, làcuna, paulata, paule, tónchine Sentences su tretu de domu mia a domu de tzia mia est crutzu, ma su spàssiu est mannu puita cicu is lacuinas prus mannas, dhas istrecu e ainci m'isciundu bèni bèni!… Etymon srd. Translations French flaque English puddle Spanish charco Italian pozzànghera German Pfütze.

lotzína , nf: lotzoina, lucina, lurtzina, lutzaina, lutzeina, lutzina Definition paule de abba, abba apojada; isciustura, prus che àteru manna, aintru de domo, abbadrinu, fintzes pauledha de sàmbene comente punghent unu pegus / fai lutzina = fàghere ifustura Synonyms e antonyms foghina, ifustura, lacuina, pantamu, paule Sentences is lutzinas de su stani praxint a is pillonis ◊ dh'iant lassau in d-una lotzina de sànguni ◊ candu proit adasiau parit chi no prengat lotzoinas ◊ custa carrada sfait: seu biendi sa lucina! ◊ seus pallasina abbarrada intru de lurtzinas de ludu…◊ sa temporada at abbenau su logu, su sartu est una lutzaina prena de corropus mannus de àcua (P.Pisu)◊ currendi in bicicleta nc'est arrutu in mesu de una lucina 2. no fatzas lutzina, ca apu apenas isciacuau! Translations French flaque English puddle Spanish charco Italian pózza, guazzo German Pfütze, Lache, Pfuhl.

ludrína , nf: lurdinu, lutrina 1 Definition isciustura, pauledha de abba in su pomentu, lurtzina, ludu puru Synonyms e antonyms ladrau, ladrinu, lodu, ludàngiu, modhaca Sentences cussa ludrina no ti fatat piús gana: bie in sa tua! ◊ no apo mudadu rizolos in ludrinas! ◊ su colvu si at impriastadu sas alas in sa ludrina ◊ su porcu si est imbrossinatu in sa lutrina ◊ in su lurdinu colas, abbulutzas sas fozas chi istrampadas sunt a terra Etymon srd. Translations French flaque English puddle Spanish charco Italian guazzo, fanghìglia German Matsch.

«« Search again