Legenda Abbreviazioni | Legenda Simboli

calanzàda , nf: canangiada, cananzada Definizione in is camminos de su sartu, tretu inue comente apàulat s'abba sa terra abbarrat modhe modhe e a dhue passare unu che afundhat fintzes si in pitzu no si paret Sinonimi e contrari ludugógiu, maldangiada Frasi in cussu caminu bi at cananzadas e tocat a colare ororu ◊ apo connotu cananzada de che afungare sos boes a bentre! ◊ colandhe in d-una cananzada si at illudriadu botinos e cambales Etimo srd. Traduzioni Francese flaque vaseuse Inglese slimy puddle Spagnolo charco Italiano pozzànghera melmósa Tedesco Pfütze.

foghína , nf: fogina, foxina, fuxina Definizione forada, fossu de abba e ludu inue s'imbuscinant is procos; fintzes cuadórgiu e crocadórgiu de animales Sinonimi e contrari fangàriu, fògia 1 / acubiladorju, boada 1, cuadorzu Modi di dire csn: crocare a foghina (nadu de zente)= in medas totu paris in terra, comente si faghet in campu; mòrrere a foghina = aira, a muntones, a fasche; cordolinu a fogina = antunna a meda essida totu paris a mola in su matessi tretu, a tuedha, unu bàlliu Frasi su sirboni essit de sa foxina po currullari in padenti ◊ furint postos a conca e a pes coment'e prochedhos a foghina 2. no isciu prus e uba m'intanai, immoi biu e non biu una foxina e intendu s'addólimu de s'erba istrumpada…◊ totu sos muscadorzos e foghinas ischit de sos buscos e serragos (B.Sulis)◊ sa mardi s'at istérriu sa fuxina ca depit angiari 3. dhue at calidade de cordolinu chi faet a foginas ◊ unu tempus de su mummurzolu moriant a foghinas e totus fiant ispaurigaos ◊ mi ant ispérdiu una fuxina de cracangiola fendi cussu trabballu Etimo srd. Traduzioni Francese flaque Inglese puddle Spagnolo charco Italiano pozzànghera Tedesco Pfütze.

lacuèdha , nf, nm: lecuedhu Definizione lurtzina, abba apaulada, isciustura Sinonimi e contrari lacone, lacuina, làcuna, lazu, paulata, paule, tónchine Frasi seu spricuendi su sciampitai allirgu de una piga aintru de una lacuedha Etimo srd. Traduzioni Francese flaque Inglese puddle Spagnolo charco Italiano pozzànghera Tedesco Pfütze.

lacuína , nf Definizione forada, fossighedhu prenu de abba chi si agatat in is orrugas candho proet, madrina Sinonimi e contrari lacona, lacuedha, làcuna, paulata, paule, tónchine Frasi su tretu de domu mia a domu de tzia mia est crutzu, ma su spàssiu est mannu puita cicu is lacuinas prus mannas, dhas istrecu e ainci m'isciundu bèni bèni!… Etimo srd. Traduzioni Francese flaque Inglese puddle Spagnolo charco Italiano pozzànghera Tedesco Pfütze.

lotzína , nf: lotzoina, lucina, lurtzina, lutzaina, lutzeina, lutzina Definizione paule de abba, abba apojada; isciustura, prus che àteru manna, aintru de domo, abbadrinu, fintzes pauledha de sàmbene comente punghent unu pegus / fai lutzina = fàghere ifustura Sinonimi e contrari foghina, ifustura, lacuina, pantamu, paule Frasi is lutzinas de su stani praxint a is pillonis ◊ dh'iant lassau in d-una lotzina de sànguni ◊ candu proit adasiau parit chi no prengat lotzoinas ◊ custa carrada sfait: seu biendi sa lucina! ◊ seus pallasina abbarrada intru de lurtzinas de ludu…◊ sa temporada at abbenau su logu, su sartu est una lutzaina prena de corropus mannus de àcua (P.Pisu)◊ currendi in bicicleta nc'est arrutu in mesu de una lucina 2. no fatzas lutzina, ca apu apenas isciacuau! Traduzioni Francese flaque Inglese puddle Spagnolo charco Italiano pózza, guazzo Tedesco Pfütze, Lache, Pfuhl.

ludrína , nf: lurdinu, lutrina 1 Definizione isciustura, pauledha de abba in su pomentu, lurtzina, ludu puru Sinonimi e contrari ladrau, ladrinu, lodu, ludàngiu, modhaca Frasi cussa ludrina no ti fatat piús gana: bie in sa tua! ◊ no apo mudadu rizolos in ludrinas! ◊ su colvu si at impriastadu sas alas in sa ludrina ◊ su porcu si est imbrossinatu in sa lutrina ◊ in su lurdinu colas, abbulutzas sas fozas chi istrampadas sunt a terra Etimo srd. Traduzioni Francese flaque Inglese puddle Spagnolo charco Italiano guazzo, fanghìglia Tedesco Matsch.

«« Cerca di nuovo