Abbreviations Legenda | Symbols Legend

camaréri , nm: cambareri, camerieri Definition ómine chi atendhet istràngios mescamente in albergos Synonyms e antonyms serbidori, teracu Sentences candu at tocau sa porta est essiu unu cambareri ◊ benit unu camareri e dhi narat: “Ita disígiat, sa Sennora?”◊ su fizu de su re at postu a su camareri pena de molte si no fit beru su chi li naraiat ◊ nos altzaiat sa boghe fintzas unu camareri! (F.I.Mannu) Surnames and Proverbs smb: Cammareri Scientific Terminology prf Etymon spn. Translations French garçon, domestique English waiter Spanish camarero (loc. pubbl.), criado (casa) Italian camerière German Kellner.

pesàdu , pps, agt: pesau Definition de pesare (cun totu is significaos chi tenet)/ a sa pesada = istendhe ritzu, prantau, istantàrgiu; unu pesau, una pesada = logu in artu Synonyms e antonyms ficadu, ritzu | ctr. corcadu Sentences unu apustis s’àturu si ndi seus pesaus po si acostai ◊ ndhe apo pesadu sos pitzinnos ca depent andhare a iscola ◊ cun custu fritu su pane no bi at pesadu 2. zughiat sos pilos pesados pariat un'ultzu ◊ seu abarrada pesada abetendi a tui ◊ comente istat mamma tua: pesada est o in letu? ◊ cussa in bidha dhui parit nàscia e pesada ◊ su chi semus ponindhe pro fàghere sos durches est totu cosa pesada ◊ ch'est mesanote e bois ancora pesados! ◊ is bandidus, biendu su mortu pesau, nc'iscàvuant totu e iscapant a curri Translations French debout, bien levé, élevé, pesé English weighed, raised, reared, leavened Spanish levantado, alzado, fermentado, leudado, criado, educado, pesado Italian alzato, lievitato, allevato, pesato German aufgestanden, aufgegangen, aufgezogen.

selvidòre , nm, agt: serbidore, serbidori, servidore, sirvidore Definition persona, ómine, chi atendhet a ccn. a pagamentu (nau de f., -a); chi serbit o andhat a serbire Synonyms e antonyms teracu, lacaju 1 Etymon ctl., spn. Translations French domestique English servant Spanish servidor, criado Italian servitóre German Diener.

teràcu , nm: (su t. = suteràcu) ceracu seracu, teragu, tzaracu* Definition ómine pagau po serbire a contu de mere angenu, fintzes persona isfrutada, obbrigada a serbire chentza profetu suo / su t. de pè = tzeracu chi a paga pigat annu cun annu su batorunu de totu su chi produet e a is chimbe annos fintzes su batorunu de su bestiàmene; su t. pagadu = tzeracu pagau a dinare Synonyms e antonyms intzeracu | ctr. mere Sentences sos Sardos no sunt nàschidos teracos, ma solu pòveros ◊ fia teracu anzenu ma a sos vinti annos mi ndh'essei e mi ponei abbandha ◊ su teracu est in podere de su mere Translations French serviteur English servant Spanish criado, doméstico Italian sèrvo German Diener.

tzaràcu , nm: ceracu, seracu, teracu, tzeracu Definition ómine pagau po serbire a contu de mere angenu; fintzes giòvono, piciocu / leare o portare a ccn. a tzerachinu = coment'e unu tzeracu Synonyms e antonyms intzeracu / cdh., ttrs. tziracu Sentences a issa dh'arrespetant tzeracus e meris ◊ furat su tzeracu, furat sa serbirora e ti faint torrai a s'ossu! ◊ su tzerachedhu si aiat atzapatu un'àteru mere e si nche fit annatu ◊ candho cumenciaiat a amannitare, unu, dhu mandhànt a tzerachedhu cun meres angenos po dhi giare un'imbudu de trigu Translations French domestique English servant Spanish criado, doméstico Italian sèrvo German Diener.

«« Search again