Ditzionàriu in línia
de sa limba e de sa cultura sarda

desógu , nm: disaocu, disaogu, disaugu, disocu, disogu Definition cosa chi si faet po istare alligros, cuntentos, chentza pentzamentos / fàchere una cosa a disaugu = a discassu, chentza presse Synonyms e antonyms arrecreu, desviu, dirvagu, diveltimentu, giogu, irbelegu, ispàssiu, ispidientu, sdisogu, spréviu | ctr. matana, tormentu, trabballu Sentences sos contos no sunt beros ma s'ómine los at imbentaos pro disaogu suo ◊ pupa, ses tue su disaogu, su giogu chi rendhet dulche sa vida! ◊ su segnor feudatàriu pro disaogu andhat a cicisbeare (F.I.Mannu)◊ acabbau su trabballu, cussa fit s'ora de su disaogu ◊ angasi si nce colaiant su merie, bastu de abbarrarent paris, ca su disaogu fut cussu Etymon spn. desahogo Translations French amusement, distraction English amusement, recreation Spanish distracción (f), pasatiempo Italian sollazzo, ricreazióne, svago German Ausspannung, Zeitvertreib.

desvíu , nm: disviu Synonyms e antonyms desogu, disilviu, ilbiu, spàssiu / cdh. svàriu Etymon srd. Translations French distraction, détournement English entertainment Spanish distracción, desvío Italian distrazióne, sviaménto German Zeitvertreib, Ablenkung.

dirvàgu , nm: divagu Definition cosa chi si faet po passare ora chentza pentzamentos, po si divertire Synonyms e antonyms arrecreu, desogu, diveltimentu, giogu, irbelegu, ispàssiu, ispidientu Sentences in cussa, a sos nóbbiles divagos leo parte, comente est usuale ◊ tui costumas ca ti bolis ainnantis in prus de unu divagu Translations French distraction, amusement English diversion Spanish distracción (f) Italian svago German Zeitvertreib.

disilvíu , nm: disirviu Definition cosa de divertimentu, po passare ora chentza pentzamentos Synonyms e antonyms dirvagu, disaogu, ivràsiu Sentences li piaghent sos disirvios, sa catza, su giogu ◊ benapat de disirvios, puru!…◊ in bidha che faghent festa manna cun maigantos disirvios ◊ cosas de tzou no ndhe ant a imparare, ma a custos disirvios za bi ponent aficu! Translations French amusement, distraction English amusement Spanish distracción (f), pasatiempo Italian svago German Zeitvertreib.

ibéliu , nm: isbéliu, isbéliu, sbéliu Definition su èssere pentzandho a su giogu, a s’ispassu, su portare sa conca aifatu de àteras cosas chentza fàere atentzione a su dovere, s’ispassu etotu Synonyms e antonyms arrecreu, avàgliaru, desogu, dirvagu, diveltimentu, giogu, irbelegu, ispàssiu Sentences cosas de ispantu in maris de lugori e cuncordu de prantas e gioghitus a isbéliu e gosu de su visitadori (C.Villasanta)◊ faghiat una vida retirada: s'únicu isbéliu chi teniat fit su zogu de sas cartas Etymon srd. Translations French distraction English amusement Spanish distracción Italian distrazióne, svago German Zerstreuung.

illabéntu , nm Synonyms e antonyms abbambanamentu, allabentu, allampioi, sbeliadura, sbéliu, sbentiadura | ctr. atenscione, cabu Etymon srd. Translations French étourderie, inadvertance English absent-mindedness Spanish distracción, descuido Italian sbadatàggine German Zersteuheit.

isagheraméntu , nm Definition su no giare atentzione, su èssere pentzandho in àteru Synonyms e antonyms desatinu, disabudesa, sbeliadura, sbeliamentu | ctr. atenscione Etymon srd. Translations French inattention, distraction English inattention Spanish distracción Italian disattenzióne German Unaufmerksamkeit.

ispànnu , nm Definition su ispannare Synonyms e antonyms desogu, gosa, ispàssiu / isvanessida, isvanessimentu Sentences fit bàrriu de contivizos e pro cussu sos ispannos suos finiant primu de comintzare ◊ bi at domitas totu festa che nidos de delíscias e ispannos ◊ chi sa vida parfat una festa in su trabàgliu e in s'ispannu! (P.Casu)◊ in s'arcu de su venturu bidat ispannos! ◊ sempre invochendhe a tie, sole lughente, pro mi dare ispannu (G.A.Cossu)◊ s'edade fiorida de sos ispannos paret deris Etymon srd. Translations French distraction English amusement Spanish distracción Italian svago, dissolvènza German Zerstreuung.

ispàssiu , nm: ispassu, spàssiu Definition cosa chi si faet a giogu, po divertire, istare alligros; fintzes camminada chi si faet deasi, tanti po pònnere passos, pigare ària / is ispassos = a logos, sa Viacrucis Synonyms e antonyms arrecreu, desogu, dirvagu, diveltimentu, gradazu, ibéliu, irbelegu / giogu, ispidientu / ispassizada Sentences cada sero fit un'ispàssiu: nabamus contos de trabballos e de zente ◊ ite ispassu, ite risu e ite giogu! ◊ subra su palcu cun su risu in laras fit de totu sos pópulos s'ispassu (Mura) 2. sos mastros che ant bogadu sos pisedhos de iscola a ispassu Surnames and Proverbs prb: ispassu de giannile diàulu de foghile Etymon itl. Translations French divertissement English amusement Spanish distracción (f), diversión (f) Italian spasso, divertiménto German Spaß.

sbéliu , nm: ibéliu* Definition su no giacurare, su èssere pentzandho in àteru; cosa chi si faet a giogu, po alligria, divertimentu Synonyms e antonyms desatinu, disabudesa, isagheradura / arrecreu, desogu, dirvagu, diveltimentu, giogu, irbelegu, ispàssiu 2. gei dhu sciu su chi fatzu, no apu tentu mai unu sbéliu, fatzu sempri su doveri miu ◊ ajaja, sétzia in d-unu furrungoni, curregiat is sbélius de is piciochedhus e regulàt sa faina de coxina Translations French inattention, distraction English recreation, absent-mindedness Spanish distracción Italian disattenzióne, distrazióne, svago German Unaufmerksam- keit, Zerstreuung, Zerstreuung, Zeitvertreib.