abbisòca , avb Definition mi parit ca…, forcis…, abbisumeu chi… Synonyms e antonyms abbisomeu, abbisu, soca 2 Sentences mi aponent unu giubedhu e abbisoca mi lu probant! ◊ abbisoca depet torrare a tucare deretu! ◊ abbisoca sezis in festa! ◊ Bissenta at dimandhadu abbisoca prus a issa etotu chi no a sos àteros Etymon srd. Translations French peut-être, à mon avis English perhaps Spanish en mi opinión Italian a mio avviso, mi pare che…, fórse German meiner Meinung nach, ich meine, daß, vielleicht.

abbisoméu , avb: abbisumeu Definition a pàrrere meu, segundu su chi ndhe pentzo geo, stau ca… mi parit chi… Synonyms e antonyms abbisoca, abbisu, istimmei, mísparra, naromeu, stamega Sentences abbisumeu andho, como chi no est proindhe! ◊ abbisumeu ses macu, tue, a nàrrere cosas goi! ◊ abbisumeu frocat! ◊ abbisumeu no l'ischis, Frantziscu, chi sunt totu sas cosas cambiadas! (Seu) Etymon srd. Translations French à mon avis English in my opinion, may be Spanish en mi opinión Italian a mio parére, fórse German meiner Meinung nach, vielleicht.

abbísu , avb Definition a bisu, a pàrrere (meu), po cantu si biet, si paret: si podet nàrrere in su sensu própriu, e duncas cun ccn. duda, ma fintzes in su sensu de una cosa segura e ladina e s'imperat agiummai sèmpere cun sa cng. "chi" / abbisu meu, abbisu mia chi…; no ischire ite abbisu pigare = no ischire su médiu de leare, ite tocat a fàghere Synonyms e antonyms abbisoca, abbisomeu Sentences abbisu chi pioet! ◊ si bos betades manu, a sos concluos, abbisu chi sos punzos bonos creides! ◊ abbisu chi azis gana de bufonare! 2. abbisu ses macu! Etymon srd. Translations French peut-être, évidemment English perhaps, evidently Spanish en mi opinión Italian a mio avviso, mi pare che…, evidenteménte German meiner Meinung nach, ich meine, daß, offenbar.

credéntzia 1 , nf: creéntzia, creténtzia Definition su crèdere, su giare o tènnere fide; calecuna cosa chi si credet, ma prus che àteru chentza cabu, chentza motivos bonos e de importu Synonyms e antonyms créntia 1, idea / cdh. cridéntzia Sentences no dhi apo dadu creténtzia (Z.Porcu) Etymon itl. credenza Translations French crédulité, opinion English credulity, opinion Spanish credulidad, opinión Italian credulità, opinióne German Leichtgläubigkeit, Meinung.

cuncétu , nm: cuntzetu Definition cuncordu de ideas, un'idea pertzisa chi si faghet istudiendhe e cumprendhindhe una chistione; su pessare bene de unu, su ndhe àere un'idea bona, su lu pònnere in càrculu Synonyms e antonyms idea Sentences custu cuntzetu est riservadu a chie at mente abbista ◊ mi ndhe apo fatu unu malu cuntzetu de cudha pessone! ◊ su cuncetu de sa sterrina no est un'argumentu chi s'isterrit, ma su chi donat s'incidu po fai sa cobertanza, o rima, aundi su poeta narat própiu s'idea chi bollit significai 2. ti tenia in cuncetu ma tue ti creias tropu! ◊ s'ómine faularzu est tentu in pagu cuntzetu ◊ si a totu protzedis che a mie, nisciunu ti at a tènnere in cuntzetu! Translations French idée, opinion English concept Spanish concepto, opinión Italian concètto German Idee, Auffassung.

discrèiri, discrère , vrb Definition finire, acabbare o lassare de crèdere o de ibertare calecuna cosa Synonyms e antonyms disaprensionai, iscrèdere* | ctr. crèdere Translations French revenir sur son opinion English to stop believing in Spanish cambiar opinión Italian discrédere German nicht mehr glauben.

«« Search again