Abbreviations Legenda | Symbols Legend

afochízu , nm: afoghígiu, afoghizu Definition is pagamentos chi betant is amministratziones (Comunu, Istadu); su pònnere fogos, abbruxamentu; disígiu de fémina, de ómine, de mascu, budhidore fintzes de male, tzacu Synonyms e antonyms fogagi, pagamenta / cdh. fuchizamentu / fogu / ampuadura, imbritziolu, insuamentu / arrabiori Sentences mabadita s'ora chi mi seu fatu braberi: mancu su dinai de s'afoghígiu ndi essit! ◊ dhi funt arribbaus is avisus de pagamentu, is billetus de s'afoghígiu ◊ devo pagare s'afoghizu betzu e nou 2. oe sas feras no sunt timindhe sas temporadas, ma s'afoghizu chi faghet sa zente 3. cun s'afoghígiu, is mascus non si podiant tratenni de isfogai s'istintu ◊ sa picioca dh'iat fatu disigiai e po afoghígiu de sànguni una pampada de fogu dh'iat fertu de suncuna ◊ s'intendiat un'afoghígiu in sa camba e dhi beniat gana de s'iscrafi ◊ ti apu oféndiu, ma dèu puru unu pagu de afoghígiu a conca dh’apu portau!◊ si boliant pasiai líbberus de s'afoghígiu de sa dí de sa coja ◊ funt benendimí is afoghígius de su nervosu abetendi custu dotori! Etymon srd. Translations French paiement, taxe English tax Spanish tributos, impuestos, el pegar fuego, deseo sexual Italian tributo German Zahlung, Steuer, Gebühr.

afràca , nf Definition su chi faet o narat unu cricandho de pònnere is manos a pitzu de s'àteru cun s'idea de ndhe aprofitare Synonyms e antonyms afracada / impunna Sentences cantu bortas apu dépiu difendi s'onestadi cosa mia de is impunnas e afracas chi mi fadiat candu fut prus giòvunu!… (G.P.Salaris) Translations French harcèlement sexuel English sexual harassment Spanish acoso sexual Italian molèstia German sexuelle Belästigungen.

ampuàre 1 , vrb Definition cumprire is capacidades sessuales, cosa chi lompet a fúrriu de is tréighi, batórdighi annos (dipendhet de s'unu a s'àteru) candho a sa fémina dhi cumènciant a crèschere is titas, mascu e fémina comènciant a impilire in s'oru de sa natura (a s'ómine dhi essit sa braba puru e cumènciat a bogare) Synonyms e antonyms aputzare Sentences su pisedhu est cumintzandhe a ampuare Etymon srd. Translations French mûrir sexuellement English to mature Spanish alcanzar la madurez sexual Italian maturare sessualménte German reifen.

arretàda , nf Synonyms e antonyms arretamentu, ingrillimentu Etymon srd. Translations French excitation sexuelle English sexual excitement Spanish excitación sexual Italian eccitazióne sessuale German geschlechtliche Erregung.

sessuàle, sessuàli , agt Definition chi pertocat su sessu, su èssere mascu o fémina de un'organísimu, e cun prus precisione sa natura de su mascu e de sa fémina Translations French sexuel English sexual Spanish sexual Italian sessuale German geschlechtlich.

«« Search again