afochízu , nm: afoghígiu, afoghizu Definition is pagamentos chi betant is amministratziones (Comunu, Istadu); su pònnere fogos, abbruxamentu; disígiu de fémina, de ómine, de mascu, budhidore fintzes de male, tzacu Synonyms e antonyms fogagi, pagamenta / cdh. fuchizamentu / fogu / ampuadura, imbritziolu, insuamentu / arrabiori Sentences mabadita s'ora chi mi seu fatu braberi: mancu su dinai de s'afoghígiu ndi essit! ◊ dhi funt arribbaus is avisus de pagamentu, is billetus de s'afoghígiu ◊ devo pagare s'afoghizu betzu e nou 2. oe sas feras no sunt timindhe sas temporadas, ma s'afoghizu chi faghet sa zente 3. cun s'afoghígiu, is mascus non si podiant tratenni de isfogai s'istintu ◊ sa picioca dh'iat fatu disigiai e po afoghígiu de sànguni una pampada de fogu dh'iat fertu de suncuna ◊ s'intendiat un'afoghígiu in sa camba e dhi beniat gana de s'iscrafi ◊ ti apu oféndiu, ma dèu puru unu pagu de afoghígiu a conca dh’apu portau!◊ si boliant pasiai líbberus de s'afoghígiu de sa dí de sa coja ◊ funt benendimí is afoghígius de su nervosu abetendi custu dotori! Etymon srd. Translations French paiement, taxe English tax Spanish tributos, impuestos, el pegar fuego, deseo sexual Italian tributo German Zahlung, Steuer, Gebühr.

cartèlla , nf Definition genia de paperi, mescamente de pagamentos; genia de paperi grussu, pinnigau de dhue pòdere chistire àteros paperis aintru Translations French feuille d'impôts, chemise English income tax form, folder Spanish carpeta Italian cartèlla German Steuerbogen, Aktenmappe.

décuma , nf: déguma Definition su degunu de totu s'incúngia e de totu is intradas (laore e bestiàmene) chi faiant pagare a sa gente is feudatàrios, sa Crésia; genia de posta po calecuna ispesa; in cobertantza, surra de cropos Synonyms e antonyms pagamenta / banzu, decumada, surra Sentences sos Romanos iscorzaiant sos Sardos faghindhe pagare fintzas duas e tres dégumas ◊ amus pacau focàticos, donativos e décumas a meres istranzos 2. s'oberaju si acúrtziat a sos vetzos e chircat de che lis vogare carchi cosa coment'e déguma pro sa festa 3. déguma ti dao, si no mi lassas sa conca in pasu! Etymon ltn. decuma Translations French dîme, impôt English tithe, injust tax Spanish diezmo (m) Italian dècima, balzèllo German Zehnt, Steuer.

derràma , nf Definition parte de unu pagamentu; cosa chi si acàbidat po dha giare a ccn. bisongiosu; cosa chi si narat in giru a bodheta; fintzes dannu Synonyms e antonyms rata / bodheta, naravèglia, narinzu Idioms csn: a derramas secadas = fatuvatu, dae pagu in pagu; fàghere una d. = collire dinari pro azuare a ccn. Sentences in d-una domu dhue tenet sèmpere derramas de pagai 2. cudha derrama chi fit acoglida peri sa bidha che as torradu a istèrrere 3. est in giru sa derrama chi Fulanu est in malas abbas ◊ ant a fàghere sa derrama in bidha, Lussó, già l’ischis chi totu ti cherent bene! 4. su focu batit derramas, disisperu, niedhore e morte (L.Pusceddu) Etymon spn. Translations French impôt, quête English tax, share, begging Spanish derrama, colecta Italian gabèlla, divisióne per quòte, quèstua German Steuer, anteilmäßige Verteilung, Almosensammlung.

gabbelléri , nm Definition chie arregollet is pagamentos Synonyms e antonyms cabbellotu Etymon itl. Translations French gabeleur English tax collector Spanish funcionario que cobraba la gabela Italian gabellière German Zöllner.

godhèta , nf: colleta Definition arregorta de is pagamentos chi betat su guvernu, un'amministratzione Synonyms e antonyms bodheta 1, pagamenta Sentences sa zustíssia fit connota ca si presentabat chin ussieris e remunidores de godhetas ◊ sa godheta la ghetabant a totus su matessi Etymon ltn. collecta Translations French impôt English tax Spanish impuesto Italian tassa, impòsta German Steuer.

pagamènta, pagaméntu , nf, nm Definition prus che àteru, cosa de pagare a s’istadu o àteru ente púbblicu Synonyms e antonyms afochizu, fogagi Sentences s'isetore est su chi asigit is pagamentas ◊ iscriat chi l'apo dadu tantu a pagamentu de sa robba chi mi est bendhendhe! ◊ ndi dhi fadeus torrai totu su dinai de is pagamentas chi s'at ghetau Translations French paiement, taxe, contribution English payment, tax Spanish pago, impuesto Italian pagaménto, tassa, tributo German Zahlung, Steuer, Gebühr.

tàcia , nf: tassa Definition pagamentu, genia de contribbutu, cosa chi s'istadu o un'àteru ente púbblicu betat a pagare a sa gente / istèrriri tàcias a una populatzioni = pònnere o betare pagamentas Synonyms e antonyms atatzu Sentences gei ant a èssiri pagu lillosus, is propietàrius, candu ant a isciri de cust'àtera tàcia!…◊ mi timu chi custu siat po pònniri càncua tàcia noba! ◊ mi tocat a fai su dimóniu cun sa genti po fai pagai is tàcias ◊ cussu fit unu ladru, si faghiat pagare sas tassas de piús de su chi li teviant Etymon ctl. tatxa Translations French taxe English tax Spanish impuesto Italian tassa German Gebühr.

tassài , vrb: tassare Definition pònnere o betare tassa, carrigare de tassas, de pagamentos Etymon itl. Translations French taxer English to tax Spanish tasar Italian tassare German besteuern.

«« Search again