Ditzionàriu in línia
de sa limba e de sa cultura sarda

cadèna , nf: carena 1, catena Definition genia de cosa longa po acapiare fata a tantos lobos intraos apare (mescamente de metallu); impíciu grae, acàpiu légiu; filera de fundhos de bide; chedha de cuadhos acapiaos apare po treulare; filera de latzos po cassare pigiones / min. cadenedha = cadena pitica Synonyms e antonyms arrenghera, fibera, fila, filerina, giuali, lérina, óldine Idioms csn: cadenita = prendha de zúghere in trugu apicada; cadena de sa domo = biga maista de sa teulada; una cadena se sarmentu = un'órdine de bide; puntu de cadena = zenia de cosidura Sentences a su gantzellu l'ant postu una cadena pro lu muntènnere serradu ◊ teniant su mannale presu a cadena ◊ si sa pessone no agguantat a paràulas no abbarrat mancu presa a cadena 2. cussu est una cadena, no un'amigu! 3. is cadinus po binnennai furint in conca de cadena Etymon ltn. catena Translations French chaîne English chain Spanish cadena Italian caténa German Kette.

giòbe , nm: ciopu 1, giobu, lobu Definition giru, lobu de cosa (es., filu, fune, codriola) coment'e acapiandho a nodu istrintu o fintzes lenu chi potzat iscúrrere po cassare mescamente animales (ma si narat fintzes in cobertantza po gente); orrugu de sartitzu cun is cabos acapiaos impare; lóriga de cadena Synonyms e antonyms isciocu, lantu Idioms csn: giobu de càriga = filleri de càriga; parare su giobu = parai su latzu; giobitu de criadura = cosa chi si apicat in trugu a sa criadura pro no àere male Sentences upas caratzadas de pídigu parant sos giobes a sa libbertade ◊ a giobu mi l'ant tenta sa crabola (G.Fiori)◊ si che torresit a binza gàrrigu de giobos e comintzesit sa catza de sas puzones ◊ retzas, trobeas, giobos fuo, cantos ndhe preparas tue, trassista! 2. at mandhigadu unu giobu de saltitza ◊ est una cadenita totu a giobitedhos ◊ sa cadena est fata a tantos giobos intrados apare Etymon ltn. cop(u)lum Translations French nœud coulant, lacet, anneau de chaîne English skipknot, lace, link Spanish lazo, eslabón Italian càppio, làccio, anèllo di catena German Schlinge, Kettenglied.

gríglios , nm pl: grillos, grillus Definition genia de trobea o cadena chi poniant a is manos o a is peis e pesu chi poniant a is presoneris Synonyms e antonyms griglione, musas Scientific Terminology ans Etymon spn. Translations French chaîne English chain, iron block Spanish grillos Italian caténa, céppo di fèrro German Kette.