Ditzionàriu in línia
de sa limba e de sa cultura sarda

aciòta , nf: atzota, ciota, tzota Definition tira longa de corria fata po iscúdere; a logos, atzota est fintzes su chirrione chi essit in s'ispiga de su moriscu Synonyms e antonyms aciotu, gigota, làtigu, passillu, tziraónia Sentences cussos meritaiant de èssere ammodhigados cun atzota, fàmine e trotza (Ptz.Mura) Scientific Terminology ans Etymon spn. azote Translations French fouet English whip Spanish azote Italian frusta, flagèllo German Peitsche.

crispésu , nm Definition genia de móriga, baculedhu a tres puntas, po murigare cosa in istrégiu; a logos est s'ispinatzu de ogiastu o de àtera linna po ifrichire figu a sicare; a logos est una genia de pasta chi si faet po augúriu candho si che leat s'asciugàriu a domo de sa cojuada noa, fata cun s'iscete e posta in calecuna figura de crésia fata a filuverru cun animaledhos e maginedhas de santos apicadas Scientific Terminology ans Etymon srd. Translations French fouet (cuis.) English whisk Spanish batidora Italian frusta per miscelazióne German Schneeschläger.

foète , nm: fuete, fueto, fuetu Definition istrúmbulu, fuste chi portat acapiada in punta una corria longa (e una punta de ferru acutzau) de iscúdere a is boes Synonyms e antonyms boete, coileto, frusórgiu, puntógliu / iscórria, sovita, toroneu Idioms csn: limba de foete = limbi malu, limba fogaritza; maglioni fatu a fuetu = chi portat disegnu fatu in intessidura a bisura de trícia (comente dhue at corria de foete); frusialla de fuetu = su tzocu chi faghet sa corria iscudindhe Sentences at intesu su frúsciu de su fuete e su brujore in sa pedhe ◊ su sardu, candho intendhet tzocu de foete, si allórumat che unu eritu ◊ daghi intraiat in ballu, sas ancas li andhaiant a dresta e a manca che foetos 2. ma aite no l'acabbaes chin cussa limba de foete chi zuchies?!… Scientific Terminology ans Translations French aiguillon English whipped goad Spanish azote Italian pùngolo con frusta German Stachelstock.

passíllu , nm Synonyms e antonyms aciota, làtigu, tziraónia Etymon srd. Translations French fouet English whip Spanish látigo, azote Italian frusta German Peitsche.