arrebbéntu , nm: arrebentu,
rebbentu Definition
pelea manna, patimentu de trebballu o àteru a meda, a tropu, carda manna; arrennegu, tzacu
Synonyms e antonyms
cadha,
frica,
istrachidúdine,
istragu,
strachímini
/
arrebbocu
Sentences
sos males sunt prenos de arrebbentu (G.Ruju)◊ làssami isfogare s'arrebbentu, tue, Sardigna, mama protzebbosa! ◊ s'intendhiat unu prantu de arrebbentu chi ti che iscancaiat su coro! ◊ su malu sempre ingannat cun boghes de arrebbentu
2.
lassa pèrdere s'arrebbentu e perdònami!
Etymon
srd.
Translations
French
éreintement,
souffrance
English
fatiguing,
sorrow
Spanish
reventón
Italian
straccaménto,
sofferènza
German
Ermattung,
Leiden.
pasciòne , nf, nm: (pa-sci-o-ne)
apascionu,
pascionu (pa-sci-o-nu)
passione,
passioni 1,
passionu Definition
suferéntzia, patimentu mannu
Synonyms e antonyms
patimentu
| ctr.
gosa
Idioms
csn:
domíniga de passionu = su domingu innantis de su de prammas; sa p. de Cristos = su marturizu de Cristos arrestadu, protzessadu e incravadu; a p. = patindhe meda, passionendhe
Sentences
sa Missa si depit ascurtai pensendu a sa passioni e morti de Gesugristu ◊ mi timo chi Larentu morzat a pascionu de disgana! ◊ inchelant notes de pascionu e albeschint dies de trementu ◊ o Deus poderosu, no lasses tanta zente in passione! (G.Contieri)◊ chercos e castanzos sunt a pascionu in sos rocarzos ◊ mancu risu mi at restadu pro culpa de su pascionu
Etymon
itl.
Translations
French
souffrance intense
English
intense suffering
Spanish
padecimiento
Italian
intènsa sofferènza,
passióne
German
Leid.
penória , nf, nm: penóriu,
penúria Definition
totugantu su chi faet sufrire meda, istare male
Synonyms e antonyms
pena,
peneténscia,
suferéncia,
sufrimentu
/
ttrs. pindúriu
| ctr.
contentu,
gosa
Sentences
ite mundhu de anneu e de penória formadu dae sos malos cristianos! ◊ sunt contendhe contos de dolore e de penúria, cosas de sa vida
Translations
French
souffrance
English
suffering
Spanish
padecimiento
Italian
sofferénza
German
Schmerz,
Leiden.
suferéncia, suferénscia , nf: suferéntzia Definition
su sufrire, su istare patindho
Synonyms e antonyms
patimentu,
penória,
sufrimentu
/
cdh. sufaréntzia
| ctr.
contentu,
gosa
Sentences
is notes passadas in mesu de su fritu furint oras de suferéntzia ◊ sa suferéntzia est unu castigu malu a sanai! ◊ fit pro me una suferéntzia a bídere e intèndhere su dolore in sos àteros ◊ non timas, Bachisé: deo ti cherzo bene e cumprendho sas suferéntzias tuas ◊ mi arregordu de is suferéntzias candu femu andada a Castedhu po s'iscola média
Translations
French
souffrance
English
pain
Spanish
sufrimiento
Italian
sofferénza
German
Leiden.
sufriméntu , nm: assufrimentu,
sunfrimentu Definition
su sufrire, su istare male de salude o de àteru, dispràxios
Synonyms e antonyms
patimentu,
penória,
suferéncia,
supia
| ctr.
contentu,
gosa,
prégiu,
recreu
Sentences
cantu sufrimentu: mezus chi sa morte benzat una borta sola! ◊ totus is mammas faint a unu fillu donu de su sunfrimentu e penas de sa vida ◊ unu si no li dolet nudha no betat ohis de sufrimentu
Etymon
srd.
Translations
French
souffrance
English
suffering
Spanish
sufrimiento
Italian
sofferénza
German
Leiden.