Ditzionàriu in línia
de sa limba e de sa cultura sarda

afíssu , pps, agt Definition de afíere; chi est meda in pagu logu, chi no faet giogu, no movet / istare in afissu = in tropu in pagu tretu, a cracu Synonyms e antonyms calcu, ispremu, sizidu, sízigu, sucicu | ctr. làschiu, sciagu Sentences cussa cosa est lasca ca bi l'as afissa male ◊ apo afissu sos bullones 2. est unu bellu gurdoni afissu ◊ sa domo est minore, nois semus in medas e istamus in afissu ◊ sa mossa muntenet sa cosa afissa, frimma de no si mòere Etymon ltn. affixus Translations French pressé, serré English pressed Spanish apretado Italian strétto, comprèsso, pigiato German Zusammengepreßt.

astríntu , pps, agt Definition de astrínghere / min. astrintonzu Synonyms e antonyms afissu, istrintu / bisognu / astrintone, limidu, susuncu | ctr. làschiu / isperditziau, istrubberi Idioms csn: bívere a s'astrinta = campare cun pagu, che a sos pòveros; parentes de a. = is parentis prus de acanta Sentences custos faedhos sérios e medios m'aiant in dudas penosas astrintu (Z.Cappai) 2. sos pitzinnos giuchiant su cocone astrintu a su survicu 3. fit astrintu a su puntu chi no manicabat pro no ispèndhere ◊ bi at tzente astrinta e tzente ispennijola Translations French étroit English narrow, strait (s) Spanish estrechado, estrecho Italian strétto German fest.

càticu , nm, nf: càtiga, càtigu Definition su catzigare / a c. = nau de cosa, chi portat pesu in pitzu o istat in istrintu meda Synonyms e antonyms acracigu, calcighinzu, iscàticu Idioms csn: una càtiga de zente = zente meda, a muntones, a càtiga muredhu, unu subra de s'àteru azummai che a sas pedras de unu muru; pònnere una cosa a càtigu = asuta, asuta de is peis Sentences sa zente in crésia bi fit a càticu, a càtiga ◊ no bi ndhe ponzas meda ca a càtigu si pistat, sa figu ◊ bi est acudida piús zente de sa chi bi podiat istare: meràculu si no bi ndhe at mortu a càtigu! ◊ sa sue a càtigu s'at mortu unu porchedhu 2. si l'at posta a càtigu sa cosa bona! Scientific Terminology Etymon srd. Translations French piétinement, serré English trampling, pressed, tight Spanish pisado, estrecho Italian calpestìo, pigiato, strétto German Getrappel, gedrückt, eng.

gurútu , nm, nf: gútura, gúturu Definition su tretu de sa carena, a parte de fora e a parte de aintru, tra sa buca e su tzugu; carrela, orruga o camminu istrintedhu, badhigru istrintu; sa trumba de sa geminera / min. gurutinu = boturinu Synonyms e antonyms bilguzu, bula, búturu / caminu, carrela, àidu Idioms csn: mela de su gúturu = su nodu, o figu, nughe de sa bula, annou de su tzugu o nú de su gúturu; sa canna de su gúturu = garguena; gúturu de monti = tretu astrintu a zisa de badhigru, coladorzu in mesu de duas puntas de monte; gúturu istrintu = nau de ccn., chi manighendhe ndhe sèberat carchi cosighedha prus a físsiu chi no pro bisonzu (es. su sèmene de sa ua) Sentences chi bolit papai e bufai apalas mias dh'at a arresci in su gúturu! ◊ no mi est arribbau mancu a su gúturu, de cantu fut pagu! ◊ pro ingurti custa cosa tocat a portai su gúturu che mainga de capotu!… 2. sos gurutos in bidha fint bódios: no si bidiat ànima ◊ in sa cora aundi finiat su gúturu, Assunta fiat isciacuendu is pannus, in frúmini ◊ sos gurutos fint fatos a impredau ◊ nos poniamus a cúrrere a cantu potiamus in sos gurutinos de su vichinatu Scientific Terminology crn, bdh, slg Etymon ltn. guttur Translations French gorge, sentier, détroit English throat, path Spanish garganta, callejuela Italian góla, vïòttolo strètto German Kehle, enger Weg

istrintógliu, istrintólzu , nm, agt: istrintorju, istrintorzu, istrintozu, strintórgiu Definition logu o passadórgiu de pagu largària, genia de buca in mesu de duos tretos artos (muros, montes, terras o àteru) Synonyms e antonyms astrintógliu, strintura Sentences in cue su caminu diventaiat un'istrintorzu chi a cantu bi passaiat un'ómine ◊ su caminu fut un'istrintórgiu, no dhue sciadhiat su giú chin su carru e no dhue colànt mancu duas personas paris 2. àmbulo in mesu de muros istrintorzos Scientific Terminology slg Etymon srd. Translations French ruelle, chaussée rétrécie English alley, strait (s), narrow Spanish callejón, calleja Italian vìcolo, viuzza, strètto German Gasse, Engpaß.

istríntu , pps, agt, nm: strintu Definition de istrínghere; nau de logu, chi est pagu largu; nau de unu, chi est malu a giare, de malugoro Synonyms e antonyms afissu, astrintu / bisognu / astrintone, limidu, susuncu | ctr. lalgu, làschiu Idioms csn: èssere in i. = istai in pagu logu; imprassai a i. = afranzare forte 2. isco chi sezis in istrintu e già bos do logu 3. cun totu chi est istrintu, epuru pro su coju de su fizolu giughiat una beste de prima posta Surnames and Proverbs prb: mellus a istrintu in domu sua chi no a largu in domu allena Etymon ltn. *strinctus Translations French étroit English narrow, lane, strait (s), gripped Spanish estrecho Italian strètto, angusto German eng.

sízigu , agt Definition chi est a istrintu, intrau a fortza / a s. = in afissu, astrintu, intradu apare bene sidhidu de no lassare colare nudha, de no si che mòere; fintzas de acordu, cuncordu Synonyms e antonyms afissu, sidhidu, sizu Sentences su tapu tupat bene si intrat a sízigu ◊ cust'ampulla est mala a istupare ca su tapu est intradu a sízigu Etymon srd. Translations French serré English tight Spanish estrecho Italian strétto, serrato German eng, gedrängt.

stríntu , pps, agt, nm: istrintu* Definition de stríngiri; nau de unu, chi est de manu afissa, arrestigu; abbisóngiu, mancamentu de su necessàriu po bívere bene; nau de logu (bia, orruga, camminu, tretu de mare inter duas terras), passadórgiu chi dhue at pagu logu de fiancu Synonyms e antonyms afissu, astrintu, ispremu / bisognu / astrintógliu, botorinu, terighinu, turinu, urgu | ctr. lalgu Idioms csn: acapiai a s. = prèndhere afissu; èssiri gúturu strintu = istare teníndheche cosa dae su mànigu (es. pizolu, carchi semenedhu, cosa chi no piaghet); strintu che unu cú de frommiga = prus de gai!…; parenti s. = custrintu, de acurtzu, de domo 3. po intrai in su mari Mediterràneu de s'ocèanu si passat in su strintu de Gibbilterra Surnames and Proverbs prb: mellus su strintu miu chi no su largu allenu Translations French ruelle English narrow, tight, strict, forced, straits, alley Spanish estrecho, estrechez, callejuela Italian strètto, viuzza German Engpaß, enge Gasse.