Abbreviations Legenda | Symbols Legend

comíntzu , nm: cuménciu, cumentu, cumentzu, cumetzu, cumintzu Definition sa cosa chi, o ue o candho si cumènciat, cumenciamentu de una faina, de unu tempus, de unu camminu Synonyms e antonyms incaminada, incomínciu, incumentu, inghitzu | ctr. acabbu, finitia Sentences totus improvisant cantzonis e mutetus a cumentu ◊ in donzi cosa, su comintzu est su prus difítzile ◊ bonu comintzu e menzus fine! ◊ aus pigau coment'e cuménciu òperas de cantadores Etymon itl. comincio Translations French début English beginning Spanish comienzo Italian inìzio, princìpio German Anfang.

incomínciu , nm: incomintzu, incuménciu, incumentzu, incumintzu, iscomintzu Definition su cuménciu, is primas cosas de una faina, de unu trebballu, de css. fata; fintzes su primu tretu, su tretu chi si agatat innanti de unu logu, de una cosa; su cumenciare Synonyms e antonyms comintzu, incumentu, inghitzu / incomintzamentu | ctr. acabbada, acabbu, finitia Sentences dai s'iscomintzu de su coju s'abbizeit chi calchi cosa no andhaiat comente deviat andhare ◊ ti dat cara su Segnore dae s’incomínciu de s’annu a s’acabbu ◊ comenti fait s'incumentzu de cussa poesia? Etymon srd. Translations French début, commencement English beginning Spanish comienzo, principio Italian inìzio German Anfang.

inghítzu , nm Definition su inghitzare, is primas cosas chi si faent de una faina, is primos momentos de unu tempus, de unu fatu, su primu tretu de unu camminu; genia de lobu po acapiare is cuadhos a su puntedhu po treulare / avb.: a s'i. = a su comintzu Synonyms e antonyms comintzada, comintzu, cunviu, inghitzada, primítziu / benitu | ctr. acabbada, acabbu, finitia Sentences abarrais de s'inghitzu a s'acabbu ◊ su "oi" separat s'inghitzu e sa fini de duas temporadas ◊ pintamí in su passu s'inghitzu de s'istrada giusta! ◊ su chi est istétiu a s'inghitzu un'ameletzu est una beridadi pitziosa, oi Etymon srd. Translations French début, commencement English begin Spanish comienzo Italian princìpio, inìzio German Anfang.

prensípiu , nm: prentzípiu, princípiu, printzípiu, priscípiu Definition su cuménciu de cosas, de chistiones e fatas; genia de régula, fundhamentu (de cumportamentu morale, de isciéntzia o àteru) Synonyms e antonyms comintzu / régula | ctr. acabbu, finitia Sentences ant tentu printzípiu sas istellas, o sunt eternas totu, Sole e Luna? ◊ bonu printzípiu e menzus fine! 2. non sigast s'arrexoni de "su tallu" si cuss'arrexoni est contras a is princípius e is valoris cosa tua! ◊ cussa est una pessone de printzípios sanos, onesta ◊ si Samanta depiat lassare sa Sardinna cheriat nàrrere po issa sa morte de sos printzípios e de sas raichinas suas ◊ su cerbedhu de us ómines tenet princípius coment'e régulas de grammàtica chi no si ndhe rendhet contu Translations French commencement, principe English principle, beginning Spanish principio Italian princìpio German Anfang, Prinzip.

tèma , nf: atema, dema, tzema (sa t. = nr. satèma) Definition càusa, iscusa de unu male, maladia mancari no grave; fintzes prantu longu Synonyms e antonyms ciaca, insemia, iscóticu, iscúgia, mendhea, taca 3, témiu, tzemia* Sentences as collidu tema: mi pares tunconidu Translations French symptôme English illness beginning Spanish principio de enfermedad Italian difètto alla salute, princìpio di malattìa German schlechte Gesundheit, Anfang einer Krankheit.

«« Search again