anèa , nf: anei, arei 1, arena, rena Definition farinedhu, biculedhu piticu de css. cosa, ma mescamente de pedra Synonyms e antonyms brutura Idioms csn: arai in s'arena = fàghere triballu in debbadas; arena de sale = sali a perdixedha, sali grussu Sentences piga su tragavenu e aparígia s'anea! ◊ faidhu grassu s'impastu: duus pajolus de arena e unu de ciumentu 2. candu isposat filla mia, in cust'arruga no nci depit cabai anea de sa genti chi nci depit èssi! Surnames and Proverbs smb: Arena Etymon ltn. arena Translations French sable English sand Spanish arena Italian aréna, sàbbia German Sand.

eremàre , vrb: aremai, erimai Definition istremenare, calàreche de su terrenu, carragiare e arreprenare de terra, pedra e arena comente dha tragant is errios aundhaos o ue proet a meda (ma si narat fintzes de su fundhu de canales o àteru deasi chi si prenent de terra); fintzes distrúere, abbandhonare Synonyms e antonyms desmuronai, istremenare, sfossonai, smuronai / destruire 2. s'orcu múricat su sambellutau de sas gherras eremandhe sos ortos in frore (A.Mura)◊ brugiade sas armas, eremade sas tanas maleitas prontas a bombitare su fogu de s'inferru! 3. orus orus de su lagu apu agatau unu pilloni erimau de is undas Etymon srd. Translations French s’ensabler English to sand Spanish enarenar Italian insabbiare German mit Sand bedecken.

rèna , nf: anea* Definition arena, orrughedhu minudu de css. cosa, ma mescamente de pedra (upm); tanti de cosa pagu pagu, farinedhu / min. renighedha; andhare che carru de r. = pàsidu, abbellu Synonyms e antonyms brutura Sentences chie dogni rejone tenet franta, renas in conca no giughet de sale ◊ a s'impastu sos mastros de muru ponent rena e carchina o tzimentu 2. mi apo manigadu una rena de casu ◊ no at assazadu una rena de pane! ◊ mancu una rena de aunzu mi as batidu in totu s'annu! Translations French sable English sand Spanish arena Italian aréna, sàbbia German Sand.

rènza , nf Definition orrugu pitichedhedhu de cosa, de pedra Synonyms e antonyms abighíngiu, arritzu 1, brutura, grisu 1, rena, solla Translations French gravelle, bribe English scrap Spanish grano, pizca Italian renèlla German feiner Sand.

«« Search again