Ditzionàriu in línia
de sa limba e de sa cultura sarda

commúnu , agt: cumunu Definition chi est de medas, de totus, chi pertocat a totugantos, chi no tenet nudha de ispeciale Idioms csn: loris communus = sos laores chi si faghent a tiradura (fae, basoludundhu); genti comuna = chi no tenet incàrrigos, chi no manizat podere; àere in comunu = a cumone, totus paris Sentences s’onorèvole at fatu carriera subra de sas palas de su bisonzu de sa zente comune ◊ ses de cussos batiados in cuile po no ti nàrrere béstia comune, de cussos chi no andhant mancu a fune! ◊ funt cosas mannas acontéssias a genti comuna 2. in comunu teniant terra e frutu, bestiàmine e cantu si est connotu Etymon ltn. communis Translations French commun English common Spanish común Italian comune German allgemein.

generàle, generàli , agt, nm: zenerale Definition chi pertocat a totus, totu sa cosa, totu; militare chi cumandhat totugantu unu corpus Translations French général English general Spanish general Italian generale German allgemein, General.

universàle, universàli , agt, nm Definition de s'universu, chi pertocat s'universu, chi balet sèmpere e po totus; chi pertocat a totus, chi pertocat sa gente de totu su mundhu, o fintzes solu sa gente de unu logu pigada totu pínniga; calidade, piessignu chi tenent in comunu totu is indivíduos bàsciu sa própriu ispétzia Sentences a favore de sa paghe universale custos valores amos in su coro ◊ po su giudítziu universali tremendu at a èssi su momentu po chini su pecau dh’afiancat (Urru)◊ cussa est sa Dichiaratzioni universali de is diritus umanus Translations French universel English universal Spanish universal Italian universale German allgemein, Allgemeine.