Ditzionàriu in línia
de sa limba e de sa cultura sarda

aglianài , vrb Definition aparigiare, fàere bene oguale / a. una dificultadi = ispiegare, fàghere a cumprèndhere una cosa Synonyms e antonyms alladiae, apalisare, apianare, arrepranai, illadiare, ispianare, splanai Etymon spn. allanar Translations French aplanir, égaliser English to level, to equalize Spanish aplanar, allanar Italian appianare, pareggiare German ebnen, einebnen.

allivellàre , vrb: livellai Definition pònnere e fàere a livellu, bene in paris Synonyms e antonyms apalisare, aparinare Translations French niveler English to level Spanish nivelar, allanar Italian livellare German einebnen.

apalisàre , vrb: aparigiai, aparigiare, aparisare, aparixai, aparizare, parigiai Definition fàere in paris; fàere una cosa a su matessi paris de un'àtera, cantu s'àtera, bogare is diferéntzias / aparizare sos contos = schitiai, assardare sos contos, pagai is dépidos Synonyms e antonyms aglianai, alladiae, apianare, arrepranai, illadiare, imparisare, ispegnare, ispianare, splanai / aggalire, aggualai, aparinare, arrasai 1 Sentences aparixai is logus malus! ◊ pro aparisare custu muru bi cheret intúnigu meda ◊ aparixaus su mòri ca est totu fossus ◊ aparizade su caminu pro su Deus nostru! ◊ prima de semenare, sa terra cheret aparizada unu pagu ◊ sos montes si trement, s’irghítinant e si apalisant 2. aparixit a deximila, ca no portu dinai in càmbiu! ◊ mancari chirchemus de aparizare sos contos, cun Deus semus semper in dépidu ◊ po su disturbu nostru no as perunu dépidu de aparisare Etymon srd. Translations French niveler, aplanir English to level Spanish aplanar, allanar Italian livellare, appianare German einebnen.

aparinàre , vrb Definition fàere in paris, ispràghere o ispainare a aparigiadura, a paris, pònnere apare; cumpònnere un'iscórriu, una diferéntzia, una disamistade Synonyms e antonyms aggalire, aggualai, apalisare / aparagonare, cumparantziai Sentences aparinare camineras, caminos ◊ tundhindhe, bois faghides iscalas chi apàrinant unu mese a poi ◊ sa betzesa puru bi cheret, pro aparinare sos dépidos! ◊ candho sos cadhos no apàrinant comente si devet, sa cursa no resessit bene (P.Casu) Etymon srd. Translations French niveler English to level, to compare Spanish emparejar Italian livellare, confrontare German einebnen, vergleichen.

arrepranài , vrb Definition fàere una cosa o unu logu in paris, pranu Synonyms e antonyms aglianai, alladiae, apalisare, apianare, illadiare, ispianare, splanai Etymon ctl. replanar Translations French aplanir English to flatten Spanish allanar Italian appianare German einebnen.

splanài , vrb: spranai Definition fàere in paris, imparisare, istèrrere cosa a aparigiadura; fintzes ispiegare, fàere méngius a cumprèndhere una cosa o chistione Synonyms e antonyms aglianai, apalisare, arrepranai, ispianare Translations French aplanir English to smooth (over) Spanish aplanar, allanar Italian appianare German einebnen.