bufàe, bufài , vrb: bufare, bufari Definitzione suspire e ingurtire cosa a brodu, lícuida, o fintzes cosa modhe meda chi si podet fàere coment'e a bufadura (es. ou) o tostada e pitica de ingurtire cun abba; consumare impresse meda; ispèndhere su dinare in cosas de bufare Sinònimos e contràrios acirrai, aciumai, bíbere, bufutzare Maneras de nàrrere csn: bufare a ticu ticu, a tzichedhus = itl. centellinare; custa cheret bufada! = tocat a bufai e fai festa pro ccn. cosa andada própiu bèni Frases bufare abba, late, binu, licore, birra, gafè ◊ in su tzilleri, bufa chi ti bufo, Zuanne contat sas cosas de su disterru ◊ ahi, belledha, custa cheret bufada!◊ si ses a dolore de conca, búfadi una pastilla 2. su dinari chi buscat si lu bufat in binu Ètimu srd. Tradutziones Frantzesu boire Ingresu to drink Ispagnolu beber Italianu bére Tedescu trinken, vertrinken.

bufài 1 , vrb: bufare 1 Definitzione bogare o fàere súlidu, búfidu, bentu Sinònimos e contràrios abbufare, imbufare, sulare Maneras de nàrrere csn: b. su fogu = sulare su fogu pro lu fagher tènnere; b. fumu a s'abe = fàghere fumu pro asseliare s'abe Frases e bufa e bufa cun su bufadori fintzas a biri su forredhu totu a craboni arrúbiu! ◊ un'agheredha frisca bufabat chin delicadesa sas chimas de sos sabucos ◊ Mariedha, totu tostorada, ghirabat bufàndhesi sa ungras, poverita! (P.Dessanay)

«« Torra a chircare