Ditzionàriu in línia
de sa limba e de sa cultura sarda

frísida , nf, nm: frísiu Definitzione genia de zúmiu surdu chi faet una cosa chi passat fúlia segandho s'ària, coment'e unu cropu de foete, fintzes moida de su bentu / bíere a ccn. una frísida = una lampada, un'apenas, su tantu de lu abbizare Sinònimos e contràrios bísulu, frúschiu, frúsiu, muizu, zúmiu Frases intendhiant sa frísida de s'àbbile falandhe dae àgheras ◊ su sirbone aiat iscutu duas búfidas chi pariant frísidas de balla ◊ su mojaresu zuchet un'ape a múlinu, a frísidas, finas chi lu punghet ◊ unu trúbidu de tzurrundedhus ndi fut essiu a frísius de una gruta ◊ at sonau cun frísius de bentu chi fiant a timi Ètimu srd. Tradutziones Frantzesu sifflement Ingresu hiss Ispagnolu silbido Italianu sìbilo Tedescu Pfeifen.

frísida 1 , nf Definitzione genia de segada, de isperradura in istrègios, muros o àteru Sinònimos e contràrios calpidura, fresadura, trapada Frases su mústiu est sumindhe in sa frísida de sa cuba ◊ in s'aposentu meu bi cheret paberi nou in su muru, ca su betzu est totu a frísidas ◊ diazis pòdere mendhare cussas frísidas in su muru?