Ditzionàriu in línia
de sa limba e de sa cultura sarda

apèdha , nf, nm: apedhu Definizione sa boghe comente dha faet su cane / min. apedhutzu Sinonimi e contrari apedhaja, apedhamentu, apédhigu, atóchida, bàulu, tzàulu Frasi dae sa tanca si pesat atzudu s'apedhu de sos catedhos ◊ a múlios, a surbúschios, a tzàrridos, a órrios, a mílios, a apedhos, a pílios curriant sas béstias a sos frúschios (A.G. Solinas)◊ s'intendhet s'apedhu de sos canes Cognomi e Proverbi smb: Apeddu, Appeddu Terminologia scientifica bga Etimo srd. Traduzioni Francese aboiement Inglese bark Spagnolo ladrido Italiano abbàio Tedesco Bellen.

apedhàda , nf Definizione su apedhare Sinonimi e contrari apedhamentu, saulada Frasi una cane runzosa totu infelonida mi faghet s'apedhada… Etimo srd. Traduzioni Francese aboiement Inglese barking Spagnolo ladrido Italiano abbaiata Tedesco Gebell.

apédhida, apédhidu , nf, nm Definizione su apedhare de is canes Sinonimi e contrari apedha, apédhigu, atocu, bàulu, inciau, tzàulu Frasi no si at intesu nudha, ne túdhiu e ne apédhida peruna: sos canes fint che paralizados ◊ dae s'apédhida si cumprendhet si su cane at intesu tzocu de zente o de àteru Terminologia scientifica bga Etimo srd. Traduzioni Francese aboiement Inglese bark Spagnolo ladrido Italiano latrato Tedesco Gekeife.

atóchida , nf Definizione genia de apédhidu de su cane Sinonimi e contrari atocu Frasi su cane at dadu un'atóchida, comente at intesu su silvone ◊ si cumprendhet si su cane at intesu tzocu de zente o de àteru, ca faghet atóchida divèscia Terminologia scientifica bga Etimo srd. Traduzioni Francese aboiement Inglese barking Spagnolo ladra, ladrido Italiano abbaìo, canizza Tedesco Bellen.

atócu , nm Definizione su apedhare de is canes; su chi si narat a boghes, a unu, po dhu fàere mòvere a calecuna cosa / dare o betare s'a. a unu = abboghinare, brigare a unu, betare una boghe donzi tantu Sinonimi e contrari apédhida, apedhu, atóchida, bàulu, tzàulu / aciocu Frasi sos canes chi bidiant a Predu no li betaiant su mínimu atocu ◊ catziendhe, comintzat sa tempesta de canes e canalzos, atocos e isparos ◊ ístabbi fitivu tzochendhe, in gialdinu, e de tantu in tantu dae s'atocu a sos puzones! Etimo srd. Traduzioni Francese aboiement Inglese barking Spagnolo ladridos Italiano abbaìo, canizza Tedesco Bellen.

baulaméntu , nm Definizione su apedhare sighiu de su cane Sinonimi e contrari bauladura, tzaulonzu Etimo srd. Traduzioni Francese aboiement Inglese barking Spagnolo ladra Italiano abbaiaménto Tedesco Bellen, Gebell.

bàulu , nm: abbàulu Definizione sa boghe de su cane Sinonimi e contrari apédhida, apédhigu, apedhu, atocu, tzàulu Terminologia scientifica bga Etimo srd. Traduzioni Francese aboiement Inglese barking Spagnolo ladrido Italiano abbàio, latrato Tedesco Bellen, Gekläff.

giànitu , nm: agiannitu, giannitu, zànita Definizione su apedhare chi faent is canes candho funt currendho o cracandho sa fera Sinonimi e contrari baulaxa, giànnida Frasi sos canes curriant a giannitos a subra de su pegus mortu ◊ s'intendhet giannitos de canes e calchi isparu Terminologia scientifica bga Etimo srd. Traduzioni Francese aboiement des chiens Inglese baying Spagnolo ladra Italiano canizza Tedesco Gekläff.

inciàu , nm: issàulu, intzàulu Definizione sa boghe de su cane Sinonimi e contrari apédhida, apedhu, itzàbiu, tzàulu* Frasi cani chi inciàuat no mússiat: ispereus chi siant isceti inciaus! ◊ a s'intzàulu de su cani, su messaju si nd'iscudiat de su letu e pigàt s'iscupeta Terminologia scientifica bga Traduzioni Francese aboiement Inglese bark Spagnolo ladrido Italiano latrato Tedesco Gekeife.