Legenda Abbreviazioni | Legenda Simboli

cragaràstas , nf pl Definizione is gangas de su pische, arremu po suspire s'ossígenu de s'abba che is prumones in àteros animales, a una parte e àtera de sa conca in su tretu de is gangas in àteros animales Sinonimi e contrari cragastas, gàgia Terminologia scientifica crn Traduzioni Francese branchies Inglese gills Spagnolo branquias Italiano brànchie Tedesco Kiemen.

gàgias , nf Definizione is gangas de su pische, arremu po suspire s'ossígenu de s'abba (che is prumones de is animales chi dhu leant de s’ària): su pische dhas portat a parte e àtera de sa conca in su tretu chi currespondhet cun is gangas de àteros animales Sinonimi e contrari cragarastas, cragastas Frasi su mari fiat prenu de pisci mortu cun is gàgias totu a foras ◊ mi ndi ant ghetau a mesu dus piscis cun sa gàgia groga: troga po gelosia, dèu no mi ndi seu acatau e postu mi ant in contravintzioni! Terminologia scientifica crn Traduzioni Francese branchies Inglese gills Spagnolo branquias Italiano brànchie Tedesco Kiemen (Pl.), Branchien (Pl.).

gànga , nf, nm: gangu Definizione tretu in su gúturu, a parte e àtera, asuta de s'origa, tra tzugu e trempa; si narat fintzes in su sensu de totu su gúturu Sinonimi e contrari cragarastas, gàgia / bula, cannighina, gàngula, gúturu Modi di dire csn: sa ganga de su porcu = su lardu de sa ganga, totu ràndhulas, cufetadu che a sa pantzeta: a logos li narant "aràndula, làndura, ràndhula, marànnula"; sa ganga de su pische = mermu chi sos pisches zughent a un'ala e àtera in sa conca, in bula, e chi faghet sa matessi faina chi faghent sos prummones in àteros animales: leat s'ossízene, de s'abba; leare a gangas, pònnere sas gangas = pònnere sas ganghedhas, sa puligada, afíere in bula cun sas manos de no lassare torrare àlidu a unu, o, in suspu, fàghereli fàghere su chi no cheret, aprofitaresindhe; no che li falat in ganga = no nci dha ingurtit, no creit a su chi dhi ant contau Frasi sas gangas de su porcu cufetadas sunt saboridas meda ◊ su gangu de su procu ponidhu a còghere! 2. su pisci candu est purescendi si bit de sa ganga 3. cun s'ingurdoneria de àere sempre de piús s'ómine si est ponzendhe sas gangas dai perisse etotu Cognomi e Proverbi smb: Ganga, Gangas, Gangone Terminologia scientifica crn, mng Etimo srd. Traduzioni Francese gorge, branchies Inglese throat, gills Spagnolo garganta, branquia Italiano góla, brànchie Tedesco Kehle, Kiemen (Pl.), Branchien (Pl.).

«« Cerca di nuovo