Ditzionàriu in línia
de sa limba e de sa cultura sarda

aggortedhài , vrb Definizione púnghere a gurtedhu, a lepedha Sinonimi e contrari apugnalai, arresorzare, istocagiare Etimo srd. Traduzioni Francese frapper à coups de couteau, poignarder Inglese to stab Spagnolo acuchillar Italiano accoltellare Tedesco erstechen.

arrasòa, arrasòe , nf: arrasoja, arresoja, arresòrgia, arresorja, arresorza, erresoa, orrosoa, rasògia* Definizione aina fata cun d-una lama de ferru o de atzàrgiu puntuda, segante a una parte, intrada e aguantada cun d-un’assaedhu in d-una màniga prus che àteru de ossu isperrada (unu pagu aperta a una parte po incasciare sa lama cun s'atza aintru: a s’àtera is duas perras portant un’ànima de ferru chi agguantat is perras cun ribbrones): cussa de is braberis est a lama prus fine e chentza punta; genia de animaledhu de mare, longhitu, a corgiolu tostau a duas perras, chi candho si serrat assimbígiat a una lepedha serrada / arresoja a foll'e murta = lepa a frama meda prus larga in mesu, coment'e a bentre Sinonimi e contrari arresoi, brotzu, lepa, lesòrgia / gragalloni, gragallu Frasi su ferreri fait ispadinus e arresojas acutzas e segadoras ◊ s'atretzadura de su brabieri fiat unu pinzellu, un'arresorza, una corria de pedhe lúdiga po acutzare, una machineta po ndhe segare sos pilos, unu pètene, un'ispatzulinu, un'iscannu Terminologia scientifica ans, crx, solen vagina, ensis ensis, e. siliqua Traduzioni Francese couteau, rasoir Inglese knife, razor Spagnolo navaja Italiano coltèllo, rasóio Tedesco Messer, Rasiermesser.

arrasogiàda , nf: arrasojada, arresojada Definizione istichia de lepedha, segada fata a lepedha Sinonimi e contrari sticada Traduzioni Francese coup de couteau Inglese stab Spagnolo navajada, navajazo Italiano coltellata Tedesco Messerstich.

boltédhu , nm: bultedhu, burtedhu 1, bustedhu, ortedhu Definizione aina po segare de pigare a una manu, impreau mescamente in coghina e in sa mesa: si narat fintzes a sa lepedha / min. bultedhutzu Sinonimi e contrari gortedhu*, leputzedhu, lipedhu / arrasoa Frasi cussu trau giughet sos corros che boltedhu! ◊ lassat istare canna chi fit seghendhe e bustedhos e si tucat a domo Terminologia scientifica ans Traduzioni Francese couteau Inglese knife Spagnolo cuchillo Italiano coltèllo da tàvola Tedesco Tischmesser.

fràma 1 , nf Definizione sa parte de una lepa o gurtedhu fata po segare: si dhue distinghet s'atza (fine e segante) e su tolu (sa parte grussa), sa punta Sinonimi e contrari follu | ctr. màniga Traduzioni Francese lame de couteau Inglese knife blade Spagnolo hoja Italiano lama del coltèllo Tedesco Messerklinge.

gortédhu , nm: gurtedhu, gutedhu Definizione genia de aina segante a un'atza de pigare a una manu, mescamente impreau in coghina, in mesa; in is ògronos po magiare su linu, genia de màniga fata cun duas tàulas chi calant de atza in is imbagas de sa càscia / partes de unu gurtedhu: sa màniga, s'atza, sa punta, su tolu; genias de gurtedhos: de buciaca, de mesa, de iscroxai animalis, de crastai, de innestai; gortedhu sbucau o ingurdu = irmarradu, totu marras, chi no segat; g. assarretau = cun s'ata a dentighedhas Sinonimi e contrari boltedhu, leputzedhu Frasi est abboxinendi che animali tocau de gortedhu! ◊ su pani dh'at segau a gortedhu ◊ sciadau, una giovunedha boit: gei no boit mancu un'istichida de gortedhu, no!… Terminologia scientifica ans Etimo ltn. cultellus Traduzioni Francese couteau Inglese knife Spagnolo cuchillo Italiano coltèllo da tàvola Tedesco Tischmesser, Küchenmesser.

iscorjadòre , nm: iscroxadori Definizione chie iscòrgiat, macellandho pegos Sinonimi e contrari ispedhadore Frasi frisciura e conca ndi dhas pigant is iscroxadoris po su trabballu insoru Etimo srd. Traduzioni Francese couteau à écorcher, écorcheur Inglese flaying knife Spagnolo desollador Italiano scortichino Tedesco Schindmesser.

istuzòne , nm Definizione gurtedhu mannu de coghina Traduzioni Francese grand couteau Inglese big knife Spagnolo cuchillo grande Italiano gròsso coltèllo Tedesco großes Messer.

lèpa , nf Definizione aina cun d-una lama puntuda e segante de atzàrgiu temperau, a màniga prus che àteru de corru cun isperradura in mesu po serrare sa lama cun s'atza aintru / min. lepedha, leputza, leputzedha; partes de sa l.: màniga (a duas perras cun s'ànima o alcu de ferru in mesu, ribbadinos, anedhu de otone), frama (punta, ata, tolu), collu o truncu (su tretu inue sa frama est intrada apare cun sa màniga); l. de innestare = itl. innestatóio Sinonimi e contrari arrasoa, brotzu, lesòrgia, istuzu Modi di dire csn: segare, púnghere a l., acutare o arrodare sa l.; lepa a follu a brenti de isparedha o a folla de murta = lepa a frama larga meda; crezes de lepa: patadesa, guspinesa, arburesa; l. iscollada = lepa chi a fortza de l'impreare che abberit sa frama prus de comente depet, dorchíndhesi a daesegus; èssere una lepa (nadu de ccn.)= tramperi, fartzu, leperi; èssiri una mala lepa = prenus de rusas, de trampas Frasi fiat una lepa lussurgesa, de cussas a mànigu de corru e lama de atzàrgiu bàtiu e temperau in s'ollu ◊ sa màniga de sa lepa est incircada cun anedhu po fortalesa ◊ pro mànigas de lepa sos menzus corros sunt sos de murone, ma sos piús impitados sunt sos de su màsciu de elveghe Cognomi e Proverbi smb: Lepedda, Leppedda Terminologia scientifica ans Traduzioni Francese couteau à cran d'arrêt Inglese jack knife Spagnolo navaja Italiano coltèllo a serramànico Tedesco Klappmesser.

rasògia, rasòja , nf: arrasoa, lesòrgia, resòglia, resoja, resolza, resòrgia, resorza, risoza Definizione lepedha, aina fata cun d-una lama de ferru o de atzàrgiu, puntuda, fine e segante a una parte (atza) e grussa a s'àtera (tolu), incasciada cun sa coa firma in d-una màniga prus che àteru de ossu isperrada a una parte po serrare sa lama cun s'atza aintru: cussa de is braberis est a lama prus fine, a punta tundha, de grussària parívile / is partes de una resòrgia: sa frama o follu (ata, tolu, punta, coa), sa màniga (perras, arcu de ferru, ribbadinos, truncu, anedhu)/ resorja de mari = gragallu, genia de animali croxudu, longu, a duas perras (solen siliqua) chi assimbillant a su mànigu de una resoja Sinonimi e contrari brotzu, istuzu, lepa Frasi sas resorzas prus famadas sunt sas guspinesas, sas patadesas e arburesas ◊ pro cumprire su sestu de una resorza tocat a buscare e triballare su corru, su ferru, fàghere sa fiama e intrare apare sas duas partes Terminologia scientifica ans Etimo ltn. rasoria Traduzioni Francese couteau à cran d'arrêt, rasoir Inglese razor, claspknife Spagnolo navaja Italiano coltèllo a serramànico, rasóio da barbière Tedesco Klappmesser.

sticàda , nf: isticada* Definizione istichia, segada fata a lepedha, cropu de cosa puntuda (mescamente segante) giau a punghidura (ma fintzes s. de pei) Sinonimi e contrari arrasogiada, istocada Frasi cussus si buscant una sticada de gortedhu a piturras, chi si ponint in mesu ◊ dona una sticada de istrúmbulu a su bòi! Traduzioni Francese coup de couteau Inglese stab Spagnolo cuchillada Italiano coltellata Tedesco Messerstich.